Përpara se të shkoni e ta blini atë lavatriçe që keni dashur, a keni menduar rreth madhësisë së lavatriçes që ju nevojitet? Këtu do të gjeni një udhëzues të thjeshtë për t‘u pasur parasysh, i cili përmbledh faktorët nga numri i ngarkesave që lani në javë deri te madhësia e familjes suaj, në mënyrë që të zgjidhni pajisjen e duhur pa u munduar.
Cila është madhësia standarde e një lavatriçeje?
Kur të jeni gati që të blini një lavatriçe të re, gjëja e parë për të cilën duhet të mendoni është madhësia që po kërkoni. Madhësia bazohet në kapacitetin e lavatriçes ose në sasinë maksimale të rrobave që një lavatriçe mund të lajë në një ngarkesë në mënyrë efikase. Për shumë lavatriçe, përmasat e lartësisë dhe të gjerësisë janë të njëjta ndërsa thellësia ndryshon në bazë të kapacitetit. Por, për disa lavatriçe shumë të mëdha me kapacitet më shumë se 13 kg, të tria përmasat do të ndryshojnë, kështu që do t‘ju nevojitet të kontrolloni nëse keni hapësirë mjaftueshëm për instalimin. Kapaciteti i matur në kilogramë, zakonisht ndryshon nga 6-18 kg dhe është gjithmonë i matur në bazë të rrobave të thata, kurrë të njoma. Kapaciteti që ju nevojitet bazohet në sasinë e rrobave që lani për ngarkesë - janë disa bluza apo një jorgan për krevat dopio? Gjetja e kapacitetit të duhur është e rëndësishme, por nëse jeni në mëdyshje mes dy alternativave, është më mirë të zgjidhni kapacitetin më të lartë. Përse? Sepse nëse e mbingarkoni lavatriçen, ajo do të jetë shumë e mbushur për të pastruar rrobat tuaja, kjo pasi rrobat dhe detergjenti nuk do të kenë hapësirë ku të lëvizin. Ose më keq akoma, kështu mund ta dëmtoni makinerinë për shkak të diferencës në peshë kur rrobat tuaja janë të njoma. Le t'u hedhim një sy madhësive të ndryshme.
Lavatriçe të vogla
Lavatriçet e vogla (ose lavatriçet me dizajn të hollë) përgjithësisht fillojnë nga lavatriçet me kapacitet prej 6 kg, por gjithashtu përfshijnë edhe lavatriçe me kapacitet prej 7 kg. Deri në 480 mm thellësi, mund t‘i vendosni lehtësisht në hapësira të vogla dhe të ngushta, kështu që ato janë të përsosura nëse jetoni në një apartament. Këto lavatriçe me dizajn të hollë mbajnë 9-10 peshqirë tualeti në secilën ngarkesë1, perfekte për familje me një ose me dy pjesëtarë. Mblidhni rrobat e gjithë javës dhe futini brenda pa u shqetësuar se ju duhet të lani disa ngarkesa.
Lavatriçe me madhësi mesatare
Lavatriçet me madhësi mesatare zakonisht përfshijnë lavatriçe me kapacitet prej 8 kg, 9 kg dhe 10 kg dhe me përmasa midis 550-600 mm thellësi. Nëse keni një familje me dy ose tre pjesëtarë, ky kapacitet është i mjaftueshëm për rrobat tuaja të javës, por edhe për disa artikuj të mëdhenj si p.sh. jorganë. Mund të vendosni një ngarkesë prej 11-14 peshqirësh tualeti1. Këto lavatriçe i përshtaten stilit të jetesës së familjes suaj dhe njollat nga ushqimet apo njollat në rrobat e fëmijëve pasi kanë luajtur jashtë gjithë ditën nuk janë më një problem.
Lavatriçe të mëdha
Lavatriçet e mëdha përfshijnë lavatriçe me kapacitet prej 11 kg dhe lavatriçe me kapacitet prej 12 kg me një thellësi prej 600-650 mm dhe janë të dizajnuara për familje me katër pjesëtarë ose më shumë. Ka edhe disa lavatriçe shumë të mëdha me kapacitet mbi 13 kg, të cilat nuk janë të përshtatshme për instalime poshtë banakut pasi tejkalojnë gjerësinë dhe lartësinë standarde, prandaj sigurohuni që të kontrolloni përmasat dhe kërkesat e hapësirës përpara se ta blini. Falë përmasave të tyre maksimale, këto lavatriçe arrijnë lehtësisht të mbajnë ngarkesa të mëdha, nga rrobat e javës të gjithë familjes deri te jorgani juaj i preferuar, duke iu lehtësuar disi dhe duke mos iu shtuar më tej problemeve tuaja të jetës së përditshme. Vendosni ngarkesat tuaja me 16-17 peshqirë tualeti1, sepse tani është akoma më e lehtë për të mbajtur ritmin e përditshëm.
Përmasa të njëjta nga jashtë, kapacitet më i madh nga brenda me SpaceMax™
Po pyesni veten nëse një lavatriçe e madhe nuk do i përshtatej hapësirës suaj? Provoni lavatriçen e re Samsung Bespoke AI™ me SpaceMax™. Mund të merrni një lavatriçe të të njëjtave përmasa, por me një kazan me kapacitet prej 2 kg ekstra në brendësi! Falë një ridizajnimi të plotë të brendshëm, lavatriçja Samsung Bespoke AI™ mund të mbajë një kazan të madh me një kapacitet mahnitës prej 11 kg ndërsa përmasat e jashtme qëndrojnë të njëjta - për një lavatriçe me madhësi të përshtatshme e me kapacitet të madh.
Si të kryej matjet për një lavatriçe të re?
Të pasigurt se nga ku të filloni? Mos u shqetësoni, janë vetëm disa gjëra që duhet të bëni për t‘u siguruar që të keni lavatriçen me madhësinë e duhur për hapësirën tuaj.
Gjeni gjerësinë, thellësinë dhe lartësinë
Shumica e lavatriçeve kanë përmasa standarde për gjerësinë dhe lartësinë, prandaj përqendrohuni në matjen e saktë të thellësisë së lavatriçes pasi kjo e fundit mund të variojë gjerësisht në bazë të prodhuesit, modelit dhe kapacitetit.
Instalimi poshtë banakut
Qoftë një lavatriçe me madhësi standarde ose një kombinim lavatriçe-tharëse me madhësi të vogël, nëse zgjidhni instalimin poshtë banakut ju duhet së paku 25 mm hapësirë në të dyja anët, si edhe të paktën 50 mm hapësirë në pjesën e pasme për zorrët dhe për çdo ajrim.
Instalimi i stivosur
Me një lavatriçe dhe tharëse që mund të vendosen sipër njëra tjetrës, kushtojini vëmendje matjeve. Sigurohuni që të ketë të paktën 25 mm hapësirë që rrethon pjesën e sipërme dhe anësoret, 50 mm hapësirë në pjesën e pasme dhe 550 mm për dyert e lavatriçes dhe të tharëses. Gjithashtu, mos harroni të merrni parasysh lartësinë e tavanit ose nëse mund t'i arrini butonat!
Instalimi krah për krah
Po mendoni t'i vendosni një lavatriçe të madhe dhe tharësen krah për krah? Bëni matjet e gjerësisë. Do t‘ju duhet mjaftueshëm hapësirë, të paktën 550 mm, për të hapur plotësisht dyert. Plus, duhet të ketë një boshllëk prej 25 mm midis mureve, si edhe midis dhe sipër pajisjeve.
Kombinimi lavatriçe-tharëse për hapësira të vogla
Jetoni në një shtëpi apo apartament të vogël? Atëherë një kombinim lavatriçe-tharëse është një mënyrë e mrekullueshme për të shfrytëzuar sa më shumë hapësirën tuaj. Më mirë se të keni një lavatriçe dhe tharëse rrobash që zënë dyfish hapësirë, mund të keni dy pajisje në një, që ju ndihmojnë gjithashtu të kurseni kohë.
Si duhet ta instaloni lavatriçen dhe tharësen?
Alternativa ideale midis instalimit krah për krah ose atij të stivosur varet tërësisht nga ju dhe hapësira në dispozicion.
Instalimi i stivosur
Vendosja e tharëses së rrobave sipër lavatriçes është një opsion fantastik për ata që kanë lavatriçe dhe tharëse të vogël që mund të vendosen sipër njëra tjetrës, si dhe tavane të larta. Kur t'i instaloni, verifikoni mirë nëse të dyja janë në nivel dhe të vendosura mirë dhe nëse e keni vendosur tharësen sipër lavatriçes. Edhe lavatriçet me dizajn të hollë janë të rënda kur mbushen me ujë!
Instalimi krah për krah
Për ata që kanë mjaftueshëm hapësirë, instalimi krah për krah i lavatriçes dhe i tharëses së rrobave me madhësi të përsosur ju lejon që të ngarkoni dhe të shkarkoni lehtësisht - kjo është e rëndësishme kur keni për të larë disa ngarkesa brenda javës! Thjesht vendosni tharësen e rrobave ngjitur me lavatriçen dhe mos u shqetësoni për asgjë tjetër.
- Burimi: www.which.co.uk/reviews/washing-machines/article/which-washing-machine-should-you-buy. Sasia aktuale e rrobave për ngarkesë mund të variojë në varësi të copës, njollave, detergjentit dhe faktorëve të tjerë.
