Cilat janë veçoritë e orës së Samsung?

"Ora e Samsung" është një veçori që mund ta gjesh në çfarë pajisjeje Samsung. Aplikacioni jep detaje rreth orës, motit dhe informacione të tjera të dobishme. 

• Alarmi

Funksioni "Alarm" të lejon të krijosh disa alarme me orë, cilësime dhe veçori të personalizuara të ndryshme. Ka alarme të paracaktuara për të të ndihmuar që të qëndrosh i përditësuar me rutinat e përditshme, për të shtyrë cilësimet kur të duhet pak më shumë kohë për të pushuar, një funksion me dridhje për të të dhënë një shtytje shtesë me alarmin, si dhe mund të caktosh një alarm që të përsëritet çdo ditë ose në ditë të caktuara të javës.

Modaliteti "Orari i gjumit" është një veçori që e kthen automatikisht telefonin tënd në nuancat e grisë dhe vendos në heshtje të gjitha telefonatat/tingujt ndërsa je në gjumë. Kjo gjithashtu shoqërohet me këshilla për të mbajtur zakone të shëndetshme gjumi, në mënyrë që çdo natë të jetë e qetë.

Nëse ke Bixby të aktivizuar në telefonin tënd, mund të përdorësh cilësimin e veçantë "Bixby" që shoqërohet me tingullin dhe temën e tij. Gjithashtu, mund të sinkronizosh "Ora e Samsung" me luajtësin e muzikës ose me aplikacione si Spotify ™ për të krijuar tinguj të personalizuar që e bëjnë çdo alarm unik.

• Ora botërore

"Ora e Samsung" shfaq automatikisht orën dhe motin se ku ti ndodhesh, por me funksionin "Ora botëror" mund të zgjedhësh çfarëdo qyteti në botë dhe të kontrollosh orën aktuale dhe motin në atë vendndodhje. Ajo gjithashtu shoqërohet me "Konvertuesin e zonës kohore", një cilësim që të lejon të shikosh diferencën kohore midis vendndodhjes lokale dhe cilitdo qytet që ti zgjedh. Nëse dëshiron një përvojë me ndërvepruese, ndrysho cilësimin e Orës botërore nga "Pamja në listë" te "Pamja në hartë" dhe merr një udhëzues vizual të vendndodhjes së saktë të çdo qyteti në cilësimet e orës botërore.

• Kronometri

Kronometri të jep një matje të saktë të orës deri në sekonda dhe ofrohet me funksionin "Xhiro" për të të ndihmuar që të monitorosh kohët e xhiros ndërsa vrapon pa ndërprerje. Mund ta vendosësh në pauzë, ta rinisësh dhe madje të kopjosh xhirot, kështu që kurdo që ke nevojë të monitorosh kohën, e ke gjithmonë një regjistër.

• Kohëmatësi

Përdor funksionin "Kohëmatësi" kur dëshiron të kryesh disa detyra njëkohësisht, por të duhet të monitorosh kohën. Kohëmatësi funksionon në sfond për të të lënë të fokusohesh te detyrat e tjera (për shembull gatim, ushtrime fizike, studim) me sado kohëzgjatje, pa u shpërqendruar për të kontrolluar vazhdimisht orën tënde.