Si të përdorësh veçorinë “Diagnostikimi” të Samsung Members

Me veçorinë “Diagnostikimi” të aplikacionit Samsung Members mund të kontrollosh disa aspekte të smartfonit, për t’u siguruar që gjithçka funksionon siç duhet. “Diagnostikimi” të lejon të përdorësh një gamë të gjerë testesh për të përmirësuar performancën e smartfonit tënd. Gjithashtu, mund të ndash informacione me përdorues të Samsung, të lexosh lajme, këshilla dhe të tjera falë aplikacionit Samsung Members.

Përpara se të përdorësh veçorinë “Diagnostikimi”, sigurohu që të verifikosh se softueri i pajisjes dhe aplikacionet që lidhen me atë të jenë të përditësuara në versionin më të fundit. Për të përditësuar softuerin e pajisjes celulare, ndiq këta hapa: Cilësimet e pajisjes > Përditësimi i softuerit.

Ndiq të gjitha udhëzimet në ekran për të testuar performancën e smartfonit. Mund të anashkalosh disa pjesë të procesit dhe të rikthehesh tek to kurdo që dëshiron. Nëse dëshiron të shqyrtosh një funksion specifik të smartfonit tënd, thjesht torkit tek ikona për të nisur testimin.