Haqqımızda

1. Biz qanunlara və etik normalara riayət edirik

Biz insan şəxsiyyətinin ləyaqətinə və individuallığına hörmətlə yanaşırıq.

Biz əsas insan hüquqlarına hörmət edirik. Məcburi əməyə, əməkhaqqında ayrı-seçkiliyə və uşaq əməyinin istismarına heç bir şəraitdə yol verilmir. Biz maraqlı tərəflərin, o cümlədən müştərilərin və işçilərin hüquqlarını pozmuruq və milli, irqi, cinsi, dini və digər əsaslara görə ayrı-seçkilik etmirik.

Biz qanunlara və biznes etikasına uyğun olaraq ədalətli rəqabət aparırıq.

Biz fəaliyyət göstərdiyimiz ölkələrin və icmaların qanunvericiliyinə əməl edirik və dürüst rəqabət standartları və praktikasına hörmət edirik. Biz qeyri-qanuni və ya vicdansız fəaliyyətlərdən qazanc götürmürük. Biz iş əlaqələri qurduğumuz şəxslərə hədiyyə, rüşvət və ya digər vasitələrlə rüşvət vermirik və ya qəbul etmirik.

Biz şəffaf hesabatlılıq prinsipini dəstəkləyir və dəqiq mühasibat uçotu aparırıq.

Biz bütün ticarət və təsərrüfat əməliyyatlarının dəqiq qeydiyyatını aparırıq ki, maraqlı tərəflər şirkətin fəaliyyətinin beynəlxalq mühasibat uçotu standartlarına, eləcə də, müvafiq ölkələrin standartlarına uyğun olduğunu aydın başa düşsünlər. Qanunun tələblərinə uyğun olaraq, biz, şirkət haqda məlumatların və şirkətin maliyyə vəziyyətindəki dəyişikliklər kimi əsas idarəetmə aspektlərinin şəffaflığını təmin edirik.

Biz siyasi məsələlərə qarışmırıq və neytrallığımızı qoruyuruq.

Biz hər bir şəxsin siyasi hüquqlarına və fikrinə hörmət edirik və şirkət daxilində siyasi fəaliyyət göstərmirik. Biz şirkət vəsaitlərini, işçilərini, binalarını və ya digər resurslarını siyasi məqsədlər üçün istifadə etmirik.

2. Biz təşkilat mədəniyyətinin təmizliyini qoruyuruq.

Biz işçilərin şəxsi və sosial həyatını iş fəaliyyətlərindən aydın şəkildə ayırırıq.

Şirkətlə fiziki şəxs arasında konflikt yarandığı halda, biz şirkətin qanuni maraqlarına üstünlük veririk. Biz şirkətin mülkiyyətindən və xidməti vəzifələrdən şəxsi maraqlar üçün sui-istifadə etmirik və şirkət əmlakının mənimsənilməsi və ya israfı kimi qəbuledilməz fəaliyyətlərlə məşğul olmuruq. Biz rəsmi olaraq alınan məlumatlardan istifadə etməklə qiymətli kağız əməliyyatlarına, o cümlədən, səhmlərin alqı-satqısına icazə vermirik.

Biz şirkətin və digər şəxslərin əqli mülkiyyətini qoruyur və onlara hörmət edirik.

Biz əvvəlcədən icazə və ya razılaşma olmadan əqli mülkiyyət məlumatlarını və məxfi məlumatlarını yaymırıq. Biz başqalarının əqli mülkiyyətinə hörmət edirik və onların hüquqlarını pozan fəaliyyətlərdən, o cümlədən, başqasının əqli mülkiyyətinin icazəsiz istifadəsi, çoxaldılması, yayılması və ya dəyişdirilməsindən uzaq dururuq.

Biz şirkətdə sağlam atmosfer yaradırıq.

Biz cinsi qısnama, işçilər arasında uyğun olmayan maliyyə əməliyyatları və zorakılıq da daxil olmaqla, sağlam komanda münasibətlərinə zərər verən fəaliyyətləri qadağan edirik. Biz qrupda münaqişələrə səbəb ola biləcək fraksiyalar yaratmırıq və qapalı qruplar təşkil etmirik.

3. Biz müştərilərə, səhmdarlara və işçilərə hörmət edirik.

Müştəri məmnuniyyəti — bizim əsas prioritetimizdir.

Biz müştərilərin tələb və gözləntilərinə cavab verən məhsullar təqdim edir və xidmətlər göstəririk. Müştərilərlə səmimi və dostyana münasibət saxlayır, onların bütün təklif və şikayətlərini nəzərə alırıq. Eləcə də biz müştərilərimizin məlumatlarına da hörmət edirik.

Bizim idarəetməyə yanaşmamız səhmdarların dəyərinə yönəlib.

Biz ağıllı investisiya və effektiv idarəetmə hesabına səhmdarların uzunmüddətli mənfəətini təmin etməyə çalışırıq. Ardıcıl idarəetmə fəaliyyəti ilə sabit gəlir əldə etməyə və şirkətin bazar dəyərini artırmağa çalışırıq. Bundan əlavə, biz səhmdarların hüquqlarına, əsaslı tələblərinə və ideyalarına hörmətlə yanaşırıq.

Biz əməkdaşlarımızın həyat keyfiyyətini yaxşılaşdırmaq üçün hər cür səy göstəririk.

Biz bütün işçilərə bərabər imkanlar yaradır, qabiliyyətlərinə və performanslarına müvafiq olaraq, ədalətli yanaşırıq. Biz işçiləri davamlı olaraq özünütəkmilləşdirməyə çağırır və vəzifə öhdəliklərini yerinə yetirmək üçün lazım olan təkmilləşdirmələri dəstəkləyirik. Bundan əlavə, biz şəxsi təşəbbüsləri və yaradıcılığı dəstəkləyən əlverişli iş mühiti yaratmağa çalışırıq.

4. Biz ətraf mühit, sağlamlıq və təhlükəsizliyin qayğısına qalırıq.

Biz ekoloji cəhətdən təhlükəsiz idarəetmənin tərəfdarıyıq.

Biz ətraf mühitin mühafizəsi üzrə beynəlxalq standartlara, müvafiq qanunlara və daxili qaydalara əməl edirik. Biz bütün fəaliyyət sahələrində, o cümlədən, inkişaf, istehsal və satış sahələrində ətraf mühitin qorunması üçün hər cür səy göstəririk. Biz resurslardan səmərəli istifadədə, xüsusən də onların emalında özümüzü bir nümunə olaraq göstəririk.

Biz insanların sağlamlığı və təhlükəsizliyinin qayğısına qalırıq.

Biz insanların sağlamlığı və təhlükəsizliyinin qayğısına qalırıq.

5. Biz sosial məsuliyyətli şirkətik.

Biz yüksək sosial məsuliyyət daşıdığımızı nümayiş etdirərək öhdəliklərimizi vicdanla yerinə yetiririk.

Biz yerli icma üzvünün öhdəliklərini yerinə yetirməklə, şirkətimizə olan etimadı artırmağa çalışırıq. Biz yeni iş yerlərinin açılması istiqamətində hər cür səy göstəririk və vergi ödəyicisi kimi üzərimizə düşən vəzifələri dərk edirik.

Biz biznes tərəfdaşları ilə qarşılıqlı sərfəli əlaqələr qururuq.

Biz biznes tərəfdaşlarımızla qarşılıqlı etimada əsaslanan ikitərəfli əlaqələr qurur və onları strateji müttəfiqlər kimi qəbul edirik. Biz kollektiv tərəqqi üçün səy göstərir və tərəfdaşlarımızın etik və hüquqi dəstəyi ilə onların rəqabət qabiliyyətini artırmağa çalışırıq.

Biz regional ənənələrə və mədəniyyətə hörmətlə yanaşır, qarşılıqlı sərfəli əməkdaşlıq və rifah üçün çalışırıq.

Biz yerli icmaların qanunlarına, mədəniyyətinə və dəyərlərinə sayğı ilə yanaşırıq və yerli sakinlərin həyat keyfiyyətinin yaxşılaşdırılmasına öz töhfəmizi veririk. Biz ictimai maraq doğuran təhsil, mədəniyyət və idman tədbirləri keçirməklə sağlam cəmiyyətin inkişafına kömək edirik. Biz könüllülük fəaliyyətilə məşğul olaraq və fəlakətlər zamanı yardım göstərməklə ictimai işlərdə fəallıq göstəririk.