Samsung paltaryuyan maşının yuyucu toz novundan sızma baş verərsə, nə etmək lazımdır
Paltaryuma zamanı yuyucu toz üçün novda sızma baş verdiyi halda, bunun bir neçə səbəbi ola bilər:
- maşında yuyucu toz tıxacı yaranıb və suyun çənə daxil olduğu borucuğu bağlayıb;
- yuyucu vasitə səhv istifadə olunur;
- su maşına yüksək təzyiq altında daxil olur;
- maşın səhv quraşdırılıb.
Sızan yerin necə müəyyən ediləcəyini və konteynerdən sızmanın qarşısının necə alınacağını aşağıdakı təlimatdan öyrənə bilərsiniz.
Paltaryuyan maşının istifadəsi üzrə tövsiyələr:
- Paltarların yuyulması üçün paçkanın üzərində qeyd olunan miqdarda yuyucu toz istifadə edin. Lazım olandan artıq yuyucu toz tökməyin.
- Keyfiyyətli yuyucu tozdan istifadə edin.
- Yuyucu vasitəni yalnız bunun üçün nəzərdə tutulan bölməyə tökün.
- Yuyucu toza nişasta və ya paltaryuyan maşında istifadə edilməsinə icazə verilməyən digər yuyucu vasitə əlavə etməyin – maşının daxili detallarında ərp əmələ gələcək və maşının pis işləməyə başlayacaq.
Sızmanın baş verməsinə səbəb olan problemi müəyyən etmək üçün, yuyucu vasitələr üçün bunkerdəki dəlikdən suyun paltaryuyan maşının içərisinə necə daxil olduğunu yoxlamaq lazımdır.
Üç bölməli yuyucu toz novu
Avtomatik dozatorlu yuyucu vasitə novu
Novda və ya oyuqda zədə varsa, təmir üçün servis mərkəzinə müraciət edin.
Ehtiyatla soyuq suyu konteynerin yerləşdirildiyi oyuğa tökün. Suyu tökdükdən sonra onun paltaryuyan maşının içərisinə keçib-keçmədiyinə baxın.
• Su oyuqdan paltaryuyan maşına keçmirsə və çölə tökülürsə, deməli paltaryuyan maşında yuyucu toz tıxacı əmələ gəlib.
• Su oyuqdan paltaryuyan maşına sərbəst şəkildə keçir, lakin yenə də sızma baş verirsə, bu, paltaryuyan maşının səhv istismar edilməsi ilə əlaqəli ola bilər.
Nəticədən asılı olaraq, təlimatın müvafiq bəndini açın və oradakı tövsiyələrə riayət edin.
Yuyucu toz tıxacını necə aradan qaldırmaq olar.
Üç bölməli yuyucu toz novu
Avtomatik dozatorlu yuyucu vasitə novu
- Sızma aradan qalxsa, deməli maşın düzgün işləyir.
- Sızma yenə baş verərsə, «Su oyuqdan paltaryuyan maşına sərbəst şəkildə keçir, lakin yenə də sızma baş verir» bölməsindəki təlimatları yerinə yetirin.
Su oyuqdan paltaryuyan maşına sərbəst şəkildə keçir, lakin yenə də sızma baş verir
Üç bölməli yuyucu toz novu:
I - İlkin paltaryuma üçün bölmə yuyucu toz və ya ilkin yuma vasitəsi üçün nəzərdə tutulub.
II - Əsas yuma üçün bölmə yuyucu toz, su yumşaltma vasitəsi, islatma vasitəsi, ağardıcı və/və ya ləkə çıxaran vasitə üçün nəzərdə tutulub.
✽ - Kondisioner üçün bölmə yalnız maye paltar kondisioneri üçün nəzərdə tutulub.
Avtomatik dozatorlu yuyucu vasitə novu:
1 - Kondisionerin avtomatik verilməsi üçün bölmə yalnız maye paltar kondisioneri üçün nəzərdə tutulub.
2 - Yuyucu vasitənin avtomatik verilməsi üçün bölmə yalnız maye yuyucu vasitə üçün nəzərdə tutulub. Həb, kürə, tor və ya toz şəklində olan paltaryuma vasitələrini bu bölməyə qoymaq olmaz.
3 - Yuyucu vasitənin əllə yüklənməsi üçün bölmə yalnız yuyucu toz üçün nəzərdə tutulub. Bu bölmədən istifadə etməzdən öncə, yuyucu vasitənin avtomatik verilməsi funksiyasının deaktiv olduğundan əmin olun.
Yuyucu vasitə kondisioner bölməsinə və ya əllə yükləmə bölməsinə əlavə edildiyi zaman maksimal miqdar nişanını aşmayın. Yol verilən səviyyə aşağıdakı şəkillərdə oxla göstərilib.
Kondisioner üçün doldurma səviyyəsi
Əllə yükləmə üçün doldurma səviyyəsi
Suyun təzyiq gücünün yoxlanması üçün su doldurma şlanqını, əvvəlcədən su verən kranı bağlayaraq, paltaryuyan maşından başqa tərəfə çevirmək.
Su doldurma şlanqını vedrəyə və ya həcmini bildiyiniz başqa qaba istiqamətləndirin. Su verən kranı açın və qabın dolacağı vaxtı ölçün, daha sonra kranı bağlayın.
1 dəqiqə ərzində şlanqdan təxminən 8,5 litr və ya 30 saniyə ərzində 4,5 litr su tökülməlidir.
- Suyun təzyiqi kifayət qədər deyilsə, santexnikə müraciət edin.
- Bu müddət ərzində daha çox su axarsa, deməli təzyiq həddindən çox yüksəkdir. Onu azaltmaq üçün paltaryuyan maşına su verən kranı natamam açmaq olar.
Yoxlamadan sonra şlanqı geri paltaryuyan maşına qoşun və etibarlı şəkildə dartın ki, şlanqdan su sızmasın. Su verən kranı açın.
- Sızma aradan qalxsa, deməli maşın düzgün işləyir.
- Yenə sızma baş verdiyi halda, servis mərkəzinə müraciət etməyi tövsiyə edirik.
Şərhiniz üçün təşəkkür edirik!
Bütün sualları cavablandırın.