Samsung soyuducusu, qapısı bağlı ikən, səs siqnalı verirsə, nə etmək lazımdır
Nə baş verir
Qapısı bağlı olsa da, soyuducu səs siqnalı verir.
Səbəblər
- Otaqda elektrik enerjisi kəsilib və ya gərginlik sıçraması baş verib;
- Soyuducunun qapısı səhv quraşdırılıb və ya tam bağlanmır;
- Soyuducunun arxasına və ya onun altına kənar əşya düşüb və siqnal verir.
Qeyd:
Soyuducunun hər hansı bölməsinin qapısı 2 dəqiqədən artıq açıq qaldığı halda, səs siqnalı verilir, çünki Door Alarm funksiyası işləyir.
Door Alarm funksiyasını söndürmək istəyirsinizsə, soyuducu istifadəçi təlimatından istifadə edin.
Nə etməli
Soyuducunun arxasına təsadüfən uşaq oyuncağı, saat, simsiz qulaqlıq və ya səs siqnalı verən başqa əşya düşə bilər.
Eyni zamanda, səs yaxınlıqda quraşdırılmış elektron cihazlardan gələ bilər.
Ətraflara diqqətlə baxın və əmin olun ki, səs siqnalının mənbəyi məhz soyuducudur.
Səsin məhz soyuducudan gəldiyindən əminsinizsə, növbəti tövsiyəyə keçin.
Ola bilər ki, mənzildə elektrik enerjisi kəsilib və indi soyuducu diqqətinizi içəridəki temperaturun tələb olunandan yuxarı qalxdığına və məhsulların donunun açılması və ya xarab olması ehtimalının yarandığına çəkmək istəyir.
İdarəetmə panelinin köməyi ilə temperaturu tənzimləməyə çalışın, daha sonra isə, cihazın necə işlədiyini yoxlayın.
- Səs siqnalı gəlməsə, soyuducudan istifadə etməyə davam edin.
- Problem davam edirsə, digər tövsiyəyə keçin.
Mənzildə gərginlik sıçraması baş verdiyi halda, bu, xətaya səbəb ola bilər. Soyuducunu 10 dəqiqəlik elektrik enerjisindən ayırmağa çalışın. Bunun üçün şnuru elektrik yuvasından ayırın. Daha sonra onu təkrar elektrik şəbəkəsinə qoşun, soyutma və dondurma bölmələri üçün temperaturu tənzimləyin.
- Səs siqnalı gəlməsə, soyuducudan istifadə etməyə davam edin.
- Problem davam edirsə, digər tövsiyəyə keçin.
Yaxınlarda qapının açılma istiqamətini dəyişmişsinizsə və soyuducu ondan sonra səs siqnalı verməyə başlayıbsa, böyük ehtimalla, qapı səhv durur.
Soyuducunun qapısını düzgün asdığınızdan əmin olun. Bunun üçün aşağıdakı məqalədən istifadə etməyinizi tövsiyə edirik.
Soyuducunun bütün qapılarının düzgün quraşdırıldığından əminsinizsə, növbəti tövsiyəyə keçin.
Yuxarıda sadalanan tövsiyələr kömək etmədiyi və soyuducu səs siqnalı verməyə davam etdiyi halda, sizə cihazın diaqnostikası üçün rəsmi servis mərkəzinə müraciət etməyi tövsiyə edirik.
Şərhiniz üçün təşəkkür edirik!
Bütün sualları cavablandırın.