Səsli bələdçi Smart TV televizorlarına ekranınızda göstərilən elementlərin audio təsvirini göstərməyə imkan verir. Bu funksiya görmə qabiliyyətini itirmiş və ya ekranı görməkdə çətinlik çəkən istifadəçilərə səsləndirmənin köməyi ilə əsas TV funksiyalarından və müxtəlif smart xidmətlərdən, məsələn, internetdən və axtarışdan istifadə etməyə kömək edir. Səsli bələdçi ilə siz hazırda aktiv olan kanal və səs səviyyəsi, hazırda yayımlanan verilişlər və gələcək yayımlar, habelə, baxış proqramı barədə məlumatı dinləyə bilərsiniz.

Audio deskripsiya bir çox televiziya proqramının görmə qabiliyyətini itirmiş və ya ekranı görməkdə çətinlik çəkən istifadəçilər üçün təqdim etdiyi xidmətdir. Ekranda nələrin baş verdiyinin başa düşülməsinin asanlaşdırılması üçün səhnənin sözlə təsvirini verən əlavə audio trek yayımlanır. Səhnədəki dəyişikliklər, personajların ifadələri, jestləri, kostyumları və s. barədə məlumat əldə edərək, daha çox zövq alın.

Görmə qabiliyyətinin zəif olması səbəbi ilə ekranı yaxşı görə bilmirsinizsə, siz mətni daha böyük formada görə bilmək üçün ekranı böyüdə bilərsiniz. Siz ekranı 200%-dək istədiyiniz kimi böyüdə və ya böyüdüləcək sahənin mövqeyini tənzimləyə bilərsiniz.

Qara fonda açıq rəngli mətn rəng korluğundan və ya görmə qabiliyyətinin zəif olmasından əziyyət çəkənlərə ekrandakı mətni daha aydın görməyə imkan verir. Siz əsas xidmət ekranının fon rəngini qaraya, mətnin rəngini isə, ağa və ya sarıya dəyişə, bununla da görüntü aydınlığını artıra və gözlərə düşən yükü azalda bilərsiniz. Bundan əlavə, mətnin daha da aydın olması üçün şəffaf TV menyu ekranı avtomatik olaraq qeyri-şəffaf hal alır.

Menyunun və mətnin miqyasının dəyişdirilməsi funksiyası görmə qabiliyyəti zəif olanlara kömək etmək üçün menyuları və mətni böyüdür. Siz Kanal haqqında məlumat, Smart hub, Tənzimləmələr, çıxan pəncərələr və s. xidmət ekranlarının bölmələrini daha ətraflı şəkildə oxuya və mətni böyüdə bilərsiniz.

Rəngləri tanımaqda çətinlik çəkir və ya gözlərinizi çox yükləyirsinizsə, siz, boz cədvəldən istifadə edərək, ekranın rəngini ağ-qaraya dəyişə bilərsiniz. Siz rənglərin bulanıq etdiyi konturları daha aydın hala gətirmək və gözlərinizə düşən yükü azaltmaq üçün ağ-qara rejimindən istifadə edə bilərsiniz.

İşığa qarşı həssaslığınız varsa və ya görmə qabiliyyətiniz zəifdirsə, siz fonu qara fona, mətni isə, ağ mətnə çevirə bilərsiniz. Rəng çevrilməsi görüntünün tanınma dərəcəsini artırmağa, işığın əks olunma dərəcəsini və gözlərə düşən yükü azaltmağa kömək edir.

Bütün Samsung QLED televizorlarında mövcud olan SeeColors rejimi rəngləri ayırd etməkdə çətinlik çəkənlərə ekranın rənglərini öz gözlərinə uyğun şəkildə tənzimləməyə kömək edir. Siz rəng korluğunuzun olub-olmadığını və varsa, onun ağırlıq dərəcəsini yoxlaya və, diaqnoza əsasən, ekranın rəngini gözlərinizin ayırd edə bildiyi rəng spektrinə uyğun şəkildə tənzimləyə bilərsiniz.

Learn remote funksiyası görmə qabiliyyətini itirmiş və ya görmə qabiliyyəti zəif olan istifadəçilərə qısa bir zamanda pult düymələrinin yerini və nə işə yaradığını öyrənməyə imkan verir. Televizor sizə hər bir düymənin təyinatını söyləyəcək.

Learn menu ekranı görmə qabiliyyətini itirmiş və ya görmə qabiliyyəti zəif olan istifadəçilərə televizorun müxtəlif funksiyalarını öyrənməyə imkan verir. Bu funksiya pultun, əlçatanlıq menyusunun, TV səs bələdçisinin necə istifadə ediləcəyinə dair elektron audio izahlar verir, yayımla, baxış proqramı və s. ilə bağlı təlimatlar təqdim edir.

Bu səsli funksiya AI köməyi ilə videodakı subtitrləri tanıyır və onları səsləndirir.

Bu funksiyadan istifadə etdiyiniz zaman televizorun ekranı söndürülür, lakin siz televizorun səsinə qulaq asmağa davam edə bilirsiniz. Ekranı təkrar yandərmaq üçün sadəcə pultun üzərindəki istənilən bir düyməni basın (Yandırb-söndürmə düyməsi və Səs artırma/azaltma düyməsi istisna olmaqla).

Relumino Rejimi, obyektlərin konturunu gücləndirərək, kontrastlığı artıraraq, habelə, parlaqlığı və rəngi tənzimləyərək, şouların, kinoların və sənədli filmlərin izlənilməsini daha da asanlaşdırır.

Bir çox TV proqramların altyazısı təqdim olunur. Eşitmə qabiliyyətini itirmiş və ya eşitmə qabiliyyəti zəif olanlar üçün dialoq ekranda mətn şəkildə əks olunur. Altyazılar ekranı bağlayır və izləməyə maneçilik törədirsə, siz onları sizin üçün daha rahat yerə keçirə bilərsiniz. Bundan əlavə, daha yaxşı görüntünü təmin etmək üçün, siz şriftin ölçüsünü, rəngini və fon rəngini, habelə, şəffaflığı öz ehtiyaclarınıza uyğun şəkildə təyin edə bilərsiniz.

İşarə dili sahəsinin miqyasının dəyişdirilməsi funksiyası avtomatik şəkildə işarə dilinin əks etdirildiyi sahəni tanıyır və həmin sahəni böyüdür, bununla da eşitmə qabiliyyətini itirmiş istifadəçilərə ağız və üz ifadələrini daha aydın şəkildə görməyə imkan verir. Siz işarə dili sahəsini təyin edə və böyütmə dərəcəsini 200%-dək təyin edə bilərsiniz. Görmə qabiliyyətini itirmiş istifadəçilər isə, bu funksiyadan, misal üçün, idman tədbirlərində xal cədvəlinin və ya viktorinalarda sualların göstərildiyi müəyyən bir sahənin böyüdülməsi üçün istifadə edə bilərlər.

Çox çıxışlı audio funksiyası eşitmə qabiliyyəti zəif olan istifadəçilərə ailələri ilə birlikdə televizora baxmağa imkan verir. Səs eyni zamanda həm dinamiklərə, həm də qulaqlıqlara verilir, bununla da, hər bir ailə üzvü yayımdan özünə lazım olan səs səviyəsinə uyğun zövq ala bilir. Eşitmə qabiliyyəti zəif olan istifadəçilər Bluetooth cihazlardan, digər ailə üzvləri isə, televizorun dinamiklərindən istifadə edə bilərlər.

Televizor menyusunun funksiyalarının işarə dilində izah olunması üçün televizorun aşağısında avatar çıxır.

Pult düymələrinin işləmə sürəti sizin üçün rahat deyilsə, Pult Düyməsinin Təkrar Basılmasının Tənzimlənməsi funksiyası düymələrin işləmə sürətini azaltmağa imkan verir. Kanalların dəyişdirilməsini, səs səviyyəsinin tənzimlənməsini və ya siyahı elementlərinin yerinin dəyişməsini sizin üçün daha rahat etmək üçün, pultun davamlı işləmə sürətini tənzimləyə bilərsiniz.