ხშირად დასმული კითხვები Galaxy One UI 6.1 განახლების ინსტალაციის შემდეგ Samsung-ის ანგარიშზე შესვლასთან დაკავშირებით

შენ შეგიძლია აირჩიო ორფაქტორიანი ავთენტიფიკაციის კოდის მიღება დამატებით Galaxy მოწყობილობებზე, რომლებიც დაკავშირებულია Samsung-ის იმავე ანგარიშთან, რომელთანაც შენი ძირითადი მოწყობილობა. თუ არ გაქვს სხვა Galaxy მოწყობილობა ან გსურს ორფაქტორიანი ავთენტიფიკაციის კოდის სხვა გზით მიღება (ტექსტური შეტყობინებით, სარეზერვო კოდის მეშვეობით და ა.შ.), შეასრულე ქვემოთ მოცემული მითითებები.

1. ოპერაციული სისტემის One UI 6.1 ვერსიამდე განახლების შემდეგ აირჩიე „გადახედვა“.
   
   
2. ჩამოდი ქვემოთ და აირჩიე „ვარიანტები“.
   
   
3. აირჩიე „ელ. ფოსტა“ ან „ტელეფონის ნომერი“.
   
   
4. შეიყვანე შენი ელექტრონული ფოსტის მისამართი და პაროლი > დააჭირე ღილაკს „შესვლა“.
   
   
5. გაეცანი გამოყენების პირობებს და დააჭირე ღილაკს „დათანხმება“.
   
   
6. კლავიატურის ფანჯრის დასახურად შეეხე ქვემოთ მიმართულ ისარს.
   
   
7. შეეხე ტექსტს „არ მიგიღია დადასტურების კოდი?“
   
   
8. აირჩიე ორფაქტორიანი ავთენტიფიკაციის მეთოდი.
   
   
9.  შეიყვანე დადასტურების კოდი > დააჭირე ღილაკს „დადასტურება“.

ქვემოთ მოცემულ ორ შემთხვევაში მისი მიღება შეგიძლია სხვა მობილური მოწყობილობის ან კომპიუტერის გამოყენებით Samsung-ის ანგარიშის ვებსაიტზე შესვლით. ასევე შეგიძლია გამოტოვო Samsung-ის ანგარიშზე შესვლის პროცესი ამ მოწყობილობაზე.

• თუ დაგავიწყდა შენი ანგარიშის იდენტიფიკატორი და პაროლი One UI 6.1 განახლების ინსტალაციის შემდეგ მოწყობილობის საწყისი პარამეტრების შეყვანის ეტაპზე.
• თუ შენი ანგარიში დაიბლოკა შესვლის დროს პაროლის რამდენჯერმე არასწორად შეყვანის გამო.