როგორ დავაყენო აპლიკაციები სწორად Android მოწყობილობაზე

ჩვენ ვიცით, რომ აპლიკაციებს ქმნიან დეველოპერები და ამატებენ მათ სპეციალურ კატალოგში – Google Play ან Galaxy Store პლატფორმაზე.

აპლიკაციის ინსტალაციისთვის უბრალო მოძებნე ის საძიებო ველის მეშვეობით ან აირჩიე კატეგორიებიდან და დააჭირე ღილაკს „ინსტალაცია“. ყველაზე რთული არჩევანის გაკეთებაა: მაგალითად გჭირდება ფარანი, კატალოგი კი რამდენიმე ათეულ ვარიანტს გთავაზობს. რომელი დავაყენო?

რაც უფრო მეტი ჩამოტვირთვები და რაც უფრო მაღალი შეფასებები აქვს აპლიკაციას, მით ნაკლებია შანსი, რომ აპლიკაციას რაიმე ხარვეზი აღმოაჩნდება.

თუ აპლიკაციას მიღებული აქვს ჯილდოები „რედაქტორების რჩეული“ და „საუკეთესო დეველოპერი“, ეს მის მაღალ ხარისხზე მიანიშნებს.

უმჯობესია არ აირჩიო აპლიკაცია ჩამოტვირთვების მცირე რაოდენობით, დაბალი შეფასებით და აღწერის ტექსტის გაუმართავი თარგმანით — მაღალია იმის ალბათობა, რომ ეს აპლიკაცია უხარისხოა.

თუ შეფასებების, აღწერის და კომენტარების წაკითხვის შემდეგ კონკრეტული აპლიკაციის დაინსტალებას გადაწყვეტ, დააჭირე ღილაკს „ინსტალაცია“, რის შემდეგაც გახსნილ ფანჯარაში გამოჩნდება აპლიკაციის მუშაობისთვის საჭირო ნებართვების სია.

არ იჩქარო „დადასტურების“ ღილაკზე დაჭერა.

ნებართვების უმეტესობა აპლიკაციას აძლევს შენს პერსონალურ მონაცემებზე, ფაილებზე და გადახდის ინფორმაციაზე წვდომის შესაძლებლობას.  ამიტომ საჭიროა ყურადღებით შეისწავლო მოთხოვნილი ნებართვების ჩამონათვალი და შეაფასო, ენდობი თუ არა დეველოპერებს და მზად ხარ თუ არა მისცე მათ ამ მოქმედებების განხორციელების უფლება.

ხშირად დეველოპერები საჭიროზე მეტ ნებართვას ითხოვენ, მაგალითად:

• ფარნის აპლიკაციას, კამერის სანათის გასააქტიურებლად ესაჭიროება კამერასთან წვდომა. თუმცა მარჯვნივ მოცემული აპლიკაცია ასევე ითხოვს პერსონალური ინფორმაცია, მოწყობილობა ან სხვა იდენტიფიკატორები, აპებში აქტივობა;

კარგ ტონად ითვლება, როდესაც აპლიკაციის აღწერაში დეველოპერი მიუთითებს საჭირო ნებართვების სიას და განმარტავს, თუ რისთვის არის ისინი საჭირო.