როგორ შევამოწმო, არის თუ არა Samsung Galaxy ორიგინალი და როგორ ავიცილო თავიდან ყალბი მოწყობილობის შეძენა

სამწუხაროდ არ არსებობს მოწყობილობის ორიგინალობაზე შემოწმების საიმედო მეთოდი.

ამ სტატიაში გაიგებ, თუ რა განსხვავებაა ორიგინალ და ყალბ მოწყობილობას შორის.

პროგრამული უზრუნველყოფის ხარისხი და უსაფრთხოება

Samsung გულდასმით ამოწმებს საკუთარი მოწყობილობების პროგრამულ უზრუნველყოფას: ტესტირება ჯერ საკუთარი ტესტირების განყოფილების მიერ ტარდება, შემდეგ კი  Google-ის — Android-ის შემქმნელის დახმარებით. ამის წყალობით სმარტფონები და პლანშეტები მუშაობს სწრაფად, მასზე უსაფრთხოდ შეგიძლია გამოიყენო მობილური ბანკები, გადახდის სერვისებში დაამატო ბარათები და შეინახო პირადი ფოტოები. Samsung საკუთარი მოწყობილობების პროგრამული უზრუნველყოფის განახლებაზე მათი გამოსვლის შემდეგაც ზრუნავს: რეგულარულად უშვებს სისტემურ და უსაფრთხოების განახლებებს.

თაღლითებს არ აღელვებთ პროგრამული უზრუნველყოფის ხარისხი — მთავარია მოწყობილობა ირთვებოდეს. მათ თავისუფლად შეუძლიათ ყალბ მოწყობილობაზე დააყენონ თვალთვალის ან ფიშინგის პროგრამული უზრუნველყოფა, რომელთა საშუალებითაც შესაძლებელია ფოტოსურათების, კონტაქტების, საბანკო ბარათების ინფორმაციის, პაროლების და სხვა მონაცემების მოპარვა. ყალბ მოწყობილობებს არავითარი სერტიფიკაცია არ აქვს გავლილი. არავინ ზრუნავს პროგრამული უზრუნველყოფის განახლებასა და უსაფრთხოებაზე. 

ძირითადად, ყალბ მოწყობილობებს ხელზე ან უფასო განცხადებების საიტებზე ყიდიან.

ხელზე ყიდვა

მეტროსთან, სადგურთან ან მსხვილ მაღაზიასთან გიახლოვდება უცნობი პირი და გთავაზობს სმარტფონის ან პლანშეტის დაბალ ფასად შეძენას, რასაც იმით ხსნის, რომ მას სასწრაფოდ სჭირდება თანხა. შეიძლება მას ხელთ ჰქონდეს ქვითარი ან სულაც საგარანტიო ტალონი. გამყიდველი ჩქარობს, შეუჩერებლად გესაუბრება და არ გაძლევს კონცენტრირების და მოწყობილობის სათანადოდ დათვალიერების საშუალებას. შეიძლება გითხრას, რომ მას მოპარეს ფული და დოკუმენტები, მას ბავშვები ელოდებიან ან თვითმფრინავზე აგვიანდება. მოკლედ ყველაფერს აკეთებს იმისათვის, რომ თავი უხერხულად იგრძნო და მალე მისცე ფული. 

ყიდვა უფასო განცხადებების საიტზე

საიტზე მოძებნე განცხადება, რომელიც მოწყობილობას ძალიან დაბალ ფასად გთავაზობს. გამყიდველი დაბალ ფასს ხშირად იმით ხსნის, რომ მას აჩუქეს ეს სმარტფონი ან პლანშეტი, თუმცა მსგავსი მოწყობილობა უკვე აქვს. ტელეფონით საუბრისას შეიძლება გითხრას, რომ მყიდველი უკვე ჰყავს ან მოიგონოს სხვა ლეგენდა, რაც ყიდვისკენ გიბიძგებს. კითხვებზე პასუხს თავს არიდებს ან  ზოგადი ფრაზებით შემოიფარგლება. ეს პირები შეიძლება შეგხვდნენ მეტროსთან, სავაჭრო ან ბიზნეს ცენტრების სიახლოვეს და პრაქტიკულად არასდროს გიმხელენ საცხოვრებელ მისამართებს. შეხვედრისას ჩქარობენ. გაყიდვის შემდეგ თიშავენ საკუთარ ტელეფონს ან ნომერი შავ სიაში შეაქვთ.

ხელზე ყიდვა

მეტროსთან, სადგურთან ან მსხვილ მაღაზიასთან გიახლოვდება უცნობი პირი და გთავაზობს სმარტფონის ან პლანშეტის დაბალ ფასად შეძენას, რასაც იმით ხსნის, რომ მას სასწრაფოდ სჭირდება თანხა. შეიძლება მას ხელთ ჰქონდეს ქვითარი ან სულაც საგარანტიო ტალონი. გამყიდველი ჩქარობს, შეუჩერებლად გესაუბრება და არ გაძლევს კონცენტრირების და მოწყობილობის სათანადოდ დათვალიერების საშუალებას. შეიძლება გითხრას, რომ მას მოპარეს ფული და დოკუმენტები, მას ბავშვები ელოდებიან ან თვითმფრინავზე აგვიანდება. მოკლედ ყველაფერს აკეთებს იმისათვის, რომ თავი უხერხულად იგრძნო და მალე მისცე ფული. 

მაღაზიაში შეძენა

რა თქმა უნდა, ყალბი მოწყობილობა შეიძლება ჩვეულებრივ ან ინტერნეტ მაღაზიებშიც იყიდებოდეს.

ყურადღება მიაქციე მენიუს პუნქტების თარგმნის ხარისხს

ორიგინალ მოწყობილობაზე თარგმანი ხარისხიანად, შეცდომების გარეშეა შესრულებული, წარწერები მხოლოდ ინგლისურ და ქართული ენებზეა მოცემული.

ყალბ მოწყობილობებზე მენიუს პუნქტებში შეიძლება გამოყენებული იყოს ჩინური იეროგლიფები, ნათარგმნი ფრაზები შეიძლება იყოს უცნაური და არალოგიკური. მაგალითად, დაბლოკილ ეკრანზე შეიძლება ჩანდეს წარწერა: „გაბლოკიტვის გადაითანე“.