რა უნდა გავაკეთო, თუ დამავიწყდა პაროლი და Samsung-ის ანგარიშთან დაკავშირებული ელ
ან სტატიაში გაიგებ, თუ როგორ უნდა აღადგინო Samsung Account-ის პაროლი ან ელ. ფოსტა account.samsung.com ვებსაიტის გამოყენებით.
რა უნდა გავაკეთო, თუ დამავიწყდა Samsung Account-ის პაროლი
Samsung Account-ის პაროლის აღსადგენად, შეასრულე ქვემოთ მოცემული ინსტრუქციები:
ამავე საკითხზე:
საფეხური 1. საფეხური 1. ბრაუზერში გახსენი ვებსაიტი account.samsung.com და დააჭირე ღილაკს „შესვლა/Sign in“.
საფეხური 2. შეიყვანე Samsung Account-თან დაკავშირებული ელექტრონული ფოსტის მისამართი და დააჭირე ღილაკს „შემდეგი/Next“.
საფეხური 3.დააჭირე ღილაკს „დაგავიწყდა პაროლი?/Forgot password?“
საფეხური 4. კიდევ ერთხელ შეიყვანე ელექტრონული ფოსტის მისამართი და დააჭირე ღილაკს „პაროლის აღდგენა/Reset password“.
საფეხური 5. შეიყვანე ტელეფონის ნომერი, რომელიც მიუთითე Samsung Account-ის რეგისტრაციისას. შემდეგ დააჭირე ღილაკს „გაგრძელება/Continue“.
საფეხური 6. დააჭირე ღილაკს „გაგრძელება/Continue“.
საფეხური 7. მითითებულ მისამართზე გამოიგზავნება პაროლის აღდგენის ბმულის შემცველი ელ. წერილი. დააჭირე ღილაკს „მიღებული წერილების საქაღალდეში გადასვლა/Go to Inbox“ ან გახსენი შენი ელექტრონული ფოსტა.
საფეხური 8. შედი შენს ელ. ფოსტის ანგარიშზე, გახსენი კომპანია Samsung-ისგან მიღებული ელ. წერილი და გადადი წერილში მოცემულ ბმულზე.
შენიშვნა:
თუ შენს ელექტრონულ ფოსტაში ვერ იპოვე ეს წერილი, შეამოწმე არასასურველი წერილების (სპამის) საქაღალდე ან დააჭირე ღილაკს „წერილის ხელახლა გამოგზავნა“.
საფეხური 9. შეიყვანე ახალი პაროლი და დასადასტურებლად ხელმეორედ შეიყვანე იგივე პაროლი. დააჭირე ღილაკს „შემდეგი/Next“.
საფეხური 10. დააჭირე ღილაკზე „შესვლა/Sign in“ — შენ დაბრუნდები საწყის გვერდზე და შეძლებ ანგარიშზე შესვლას.
შენიშვნა:
პაროლი აუცილებლად უნდა შეიცავდეს ლათინური ანბანის ზედა და ქვედა რეგისტრის ასოებს და ციფრებს. პაროლის მინიმალური სიგრძე: 8 სიმბოლო. დაუშვებელია სიმბოლოს 3-ზე მეტჯერ გამეორება ან თანმიმდევრული სიმბოლოების გამოყენება. დასაშვებია სპეციალური სიმბოლოების გამოყენება (~!@#$%^&*-_+=|";[]{}()<>,./?\.). ზოგიერთ ძველ მოწყობილობას არ აქვს 15 სიმბოლოზე მეტი ზომის პაროლების მხარდაჭერა. ამ შემთხვევაში რეკომენდებულია 8-15 სიმბოლოს ზომის პაროლის გამოყენება.
რა უნდა გავაკეთო, თუ დამავიწყდა Samsung Account-ის ელექტრონული ფოსტის მისამართი
Samsung Account-თან დაკავშირებული ელექტრონული ფოსტის მისამართის აღდგენისთვის ან შეხსენებისთვის, შეასრულე ქვემოთ მოცემული ინსტრუქციები:
საფეხური 1. ბრაუზერში გახსენი ვებსაიტი account.samsung.com account.samsung.com და დააჭირე ღილაკს „შესვლა/Sign in“.
საფეხური 2. დააჭირე ღილაკს „იდენტიფიკატორის მოძებნა/Find ID“.
შემდეგი საფეხური დამოკიდებულია იმაზე, გახსოვს თუ არა ანგარიშთან დაკავშირებული ტელეფონის ნომერი:
• თუ გახსოვს ანგარიშთან დაკავშირებული ტელეფონის ნომერი:
საფეხური 3. შეიყვანე Samsung-ის ანგარიშთან დაკავშირებული ტელეფონის ნომერი და დააჭირე ღილაკს „შემდეგ/Continue“.
საფეხური 4. დააჭირე ღილაკს „კოდის გაგზავნა/Send code“ — მითითებულ ნომერზე გაიგზავნება დადასტურების კოდის შემცველი შეტყობინება. შეიყვანე კოდი და დააჭირე ღილაკს „შემოწმება/Verify“.
თუ დადასტურების კოდს დიდი ხნის განმავლობაში ვერ მიიღებ:
- შეამოწმე WhatsApp-ის ან სხვა სერვისების შემომავალი შეტყობინებები. ზოგჯერ დადასტურების კოდი ამ სერვისებზე იგზავნება, თუ მათი ანგარიშები მიბმულია შენს ტელეფონის ნომერზე. შეტყობინების ტექსტიდან მხოლოდ ციფრები დაგჭირდება. შეიყვანე ეს ციფრები ინტერვალების, დეფისების და სხვა სპეციალური სიმბოლოების გარეშე.
- კოდის მოქმედების პერიოდის გასაზრდელად, დააჭირე ღილაკს „დროის დამატება/Extend time“, ან მოითხოვე ახალი კოდი. კოდის შემცველი შეტყობინება შეიძლება პირველ ცდაზე ვერ მიიღო ან მიიღო 1-2 საათში. კოდის მიღების სიჩქარე დამოკიდებულია მობილური ოპერატორის ქსელის ან მობილური ინტერნეტის მუშაობაზე.
კოდის შემცველი SMS-შეტყობინების მაგალითი
საფეხური 5. გამოჩნდება ამ ტელეფონის ნომერთან დაკავშირებული ანგარიშების სია. აირჩიე საჭირო ანგარიში.
• თუ გახსოვს პაროლი — დააჭირე ღილაკს „შესვლა/Sign in now“.
• თუ პაროლი დაგავიწყდა — შეასრულე ინსტრუქციები, სახელწოდებით „რა უნდა გავაკეთო, თუ დამავიწყდა Samsung Account-ის პაროლი“, დაიწყე მე-3 საფეხურიდან.
საფეხური 6. „შესვლის/Sign in now“ ღილაკზე დაჭერის შემდეგ დაბრუნდები ანგარიშზე ავტორიზაციის მთავარ გვერდზე. ველში „ელექტრონული ფოსტა/E-mail“ უკვე იქნება შეყვანილი საჭირო მისამართი. პაროლის შესაყვანად და ანგარიშზე შესასვლელად დააჭირე ღილაკს „გაგრძელება/Next“.
• თუ არ გახსოვს ანგარიშთან დაკავშირებული ტელეფონის ნომერი:
საფეხური 3. დააჭირე ღილაკს „ანგარიშის იდენტიფიკატორის მოძებნა ვერ მოხერხდა/Trouble getting our account ID“.
საფეხური 4. შეიყვანე ანგარიშის რეგისტრაციისას მითითებული სახელი, გვარი და დაბადების თარიღი. შემდეგ დააჭირე ღილაკს „გაგრძელება/Continue“.
საფეხური 5. გამოჩნდება მოძიებული ანგარიშების სია, რომლებშიც გვხვდება მსგავსი საიდენტიფიკაციო მონაცემები. მისამართი სრულად არ გამოჩნდება, თუმცა დაგეხმარება იმის გახსენებაში, თუ რომელი ელექტრონული ფოსტის მისამართი გამოიყენე რეგისტრაციისას. დააჭირე ღილაკს „შესვლა/Sign in now“ — დაბრუნდები საწყის ეკრანზე და შეძლებ ანგარიშზე შესვლას. თუ პაროლი დაგავიწყდა — შეასრულე ინსტრუქციები, სახელწოდებით „რა უნდა გავაკეთო, თუ დამავიწყდა Samsung Account-ის პაროლი“.
საფეხური 6. თუ სისტემაში ვერ მოიძებნება მსგავსი მონაცემების შემცველი ანგარიშები, გამოჩნდება შესაბამისი შეტყობინება. დააჭირე ღილაკს „ხელახლა ცდა/Try again“ და კიდევ ერთხელ დაკვირვებით შეიყვანე პირადი მონაცემები. სცადე გაიხსენო, შეიძლება რეგისტრაციის დროს სხვა ინფორმაცია შეიყვანე.
მადლობა გამოხმაურებისთვის!
უპასუხე ყველა კითხვას.