სარეზერვო ასლის შექმნა და მონაცემთა გადატანა Samsung Galaxy მოწყობილობაზე დაინსტალებული Smart Switch-ის მეშვეობით

მონაცემთა გადატანა Android მოწყობილობიდან Samsung Galaxy-ზე

პირველ რიგში დარწმუნდი, რომ Smart Switch აპლიკაცია ორივე ტელეფონზეა დაინსტალებული. შემდეგ ეს ორი ტელეფონი მოათავსე ერთმანეთის გვერდით.

საფეხური 1. ახალ ტელეფონზე გახსენი „პარამეტრების“ მენიუ და აირჩიე პუნქტი „ანგარიშები და დაარქივება“.

საფეხური 2. დააჭირე ღილაკს „მონაცემების გადმოტანა სხვა მოწყობილობიდან“.

საფეხური 3. დააჭირე ღილაკს „მონაცემების მიღება ახალ ტელეფონზე“ და „მონაცემების გაგზავნა ძველ ტელეფონზე“.

საფეხური 4. აირჩიე წყარო, ანუ ოპერაციული სისტემა, რომელიც დაყენებულია შენს ძველ მოწყობილობაზე. 

საფეხური 5. აირჩიე უსადენო კავშირი.

საფეხური 6. ძველ მოწყობილობაზე გახსენი Smart Switch და დააჭირე ღილაკს „დაშვება“, რის შემდეგაც შეძლებ ამ მოწყობილობასთან დაკავშირებას.

საფეხური 7. დაელოდე ძველი მოწყობილობის მიერ მონაცემების მოძებნის დასრულებას. შემდეგ აირჩიე მონაცემები, რომელთა გადატანაც გსურს. მონიშნე პუნქტი „სხვა“, რათა გადახვიდე დეტალური არჩევის გვერდზე, შემდეგ დააჭირე ღილაკს „შემდეგი“.

საფეხური 8. მონიშნე ფაილები და დააჭირე ღილაკს „გადატანა“. მონაცემთა გადატანის დასრულების შემდეგ დააჭირე ღილაკს „მთავარ ეკრანზე გადასვლა“. 

მონაცემთა გადატანა iOS მოწყობილობიდან Samsung Galaxy-ზე iCloud-ის მეშვეობით

საფეხური 1. ახალ ტელეფონზე გახსენი აპლიკაცია Smart Switch და დააჭირე ღილაკს „მონაცემების მიღება“.

საფეხური 2. აირჩიე iPhone/iPad, შემდეგ დააჭირე ღილაკს „მონაცემების ჩამოტვირთვა iCloud-იდან“.

საფეხური 3. შეიყვანე iCloud-ზე ავტორიზაციის მონაცემები (ID და პაროლი) და დააჭირე ღილაკს „iCloud-ზე შესვლა“.

საფეხური 4. გაააქტიურე iCloud-ზე შესვლის ნებართვა - იმ iOS მოწყობილობაზე საიდანაც გადმოგაქვს ფაილები, დააჭირე ღილაკს „დაშვება“.

საფეხური 5. iOS მოწყობილობაზე მიიღებ ვერიფიკაციის კოდს. შეიყვანე კოდი და დააჭირე ღილაკს „ОК“.

საფეხური 6. iOS მოწყობილობაზე აირჩიე მონაცემები, რომელთა გადატანაც გსურს და დააჭირე ღილაკს „გადატანა“ მონაცემთა გადატანის დასრულების შემდეგ დააჭირე ღილაკს „მთავარ ეკრანზე გადასვლა“.

მონაცემთა გადატანა Android მოწყობილობიდან Samsung Galaxy-ზე

საფეხური 1. დააკავშირე ერთმანეთთან ძველი და ახალი ტელეფონები USB კაბელის მეშვეობით.  ძველი ტელეფონის კონექტორის ტიპიდან გამომდინარე, შეიძლება დაგჭირდეს USB ადაპტერი.

                                           ①Type-C to Type-C                                                          ②USB                                                                          

საფეხური 2. როდესაც გამოჩნდება კონტექსტური ფანჯარა, რომელიც შემოგთავაზებს აპლიკაციის ვარიანტებს, აირჩიე Smart Switch და შემდეგ შეეხე ღილაკს „მონაცემების მიღება“.

საფეხური 3. ძველ ტელეფონზე გახსნილ Smart Switch აპლიკაციაში შეეხე ღილაკს „დაშვება“. თუ აპლიკაცია არ გაქვს დაინსტალებული, მის ჩამოსატვირთად გადადი Galaxy Store-ზე ან Play Store-ზე. შენი ახალი მოწყობილობა ამოიცნობს ძველ ტელეფონს და ეკრანზე გამოჩნდება გადასატანი მონაცემების ჩამონათვალი. 

საფეხური 4. აირჩიე ფაილები, რომელთა გადატანაც გსურს და დააჭირე ღილაკს „გადატანა“.

ტელეფონს და კომპიუტერს შორის მონაცემების გადატანისთვის გამოიყენე Smart Switch-ის კომპიუტერის ვერსია. მისი ჩამოტვირთვისთვის გადადი ბმულზე.

საფეხური 1. კომპიუტერზე ჩამოტვირთე და გაუშვი Smart Switch.

საფეხური 2. დააკავშირე ძველი ტელეფონი კომპიუტერთან ტელეფონის კომპლექტში შემავალი USB კაბელის გამოყენებით.

საფეხური 3. ტელეფონის მონაცემების სარეზერვო ასლის შესაქმნელად მიჰყევი კომპიუტერის ეკრანზე გამოჩენილ ინსტრუქციებს. ამის შემდეგ ჩახსენი ძველი ტელეფონი კომპიუტერიდან.

საფეხური 4. დააკავშირე ახალი ტელეფონი კომპიუტერთან USB კაბელის გამოყენებით.

საფეხური 5. მონაცემების ტელეფონზე გადასატანად მიჰყევი კომპიუტერის ეკრანზე გამოჩენილ ინსტრუქციებს.

რისი გადატანაა შესაძლებელი

• Android მოწყობილობებიდან: კონტაქტები, განრიგი, შეტყობინებები, ჩანაწერები/ხმოვანი ჩანაწერები (მხოლოდ Galaxy მოწყობილობებისთვის), ფოტოები, ვიდეოები, მუსიკალური ფაილები, მაღვიძარას პარამეტრები (მხოლოდ Galaxy მოწყობილობებისთვის), ზარების ისტორია, მთავარი ეკრანის/დაბლოკილი ეკრანის გამოსახულება (მხოლოდ Galaxy მოწყობილობებისთვის), Wi-Fi ქსელის პარამეტრები (მხოლოდ Galaxy მოწყობილობებისთვის), დოკუმენტები, პარამეტრები (მხოლოდ Galaxy მოწყობილობებისთვის), ელექტრონული ფოსტის პარამეტრები (მხოლოდ Galaxy მოწყობილობებისთვის), ჩამოტვირთული აპლიკაციები, აპლიკაციების მონაცემები (მხოლოდ Galaxy მოწყობილობებისთვის) და მთავარი ეკრანის განლაგება (მხოლოდ Galaxy მოწყობილობებისთვის).

• iCloud-იდან: კონტაქტები, კალენდარი, ჩანაწერები, ფოტოები, ვიდეოები, დოკუმენტები (შეგიძლია მოახდინო შენი iOS მოწყობილობიდან iCloud-ზე სინქრონიზებული მონაცემების იმპორტი).

• iOS მოწყობილობიდან OTG USB-ის მეშვეობით: კონტაქტები, განრიგი, შეტყობინებები, ჩანაწერები, ფოტოები, ვიდეოები, მუსიკალური ფაილები, ხმოვანი ჩანაწერები, მაღვიძარას პარამეტრები, ზარების ისტორია, ჩანართები, Wi-Fi ქსელის პარამეტრები, დოკუმენტები, რეკომენდებული აპლიკაციების სია.

• Windows-ზე მომუშავე (OS 8.1 ან 10) მობილური მოწყობილობებიდან: კონტაქტები, განრიგი, ფოტოები, დოკუმენტები, ვიდეოები, მუსიკალური ფაილები. 

• BlackBerry მოწყობილობიდან: კონტაქტები, განრიგი, ჩანაწერები, ფოტოები, ვიდეოები, მუსიკალური ფაილები, ხმოვანი ჩანაწერები, ზარების ისტორია, დოკუმენტები.

• ზარების ისტორია: სისტემური შეზღუდვების გამო, ზარების ისტორიის გადატანა შესაძლოა ვერ მოხერხდეს უფრო ძველი ოპერაციული სისტემის მქონე ტელეფონებზე. O ვერსიის (8.0) ან უფრო ახალი ოპერაციული სისტემიდან O ვერსიის (8.0) ან უფრო ძველ ოპერაციულ სისტემაზე ზარების ისტორიის გადატანა შეიძლება არ იყოს მხარდაჭერილი.

• ელექტრონული ფოსტის პარამეტრები: ელექტრონული ფოსტის აპლიკაციის შეზღუდვებიდან გამომდინარე, უფრო ძველი ვერსიის ოპერაციული სისტემის მქონე მოწყობილობაზე მონაცემების გადატანის ფუნქცია შეიძლება შეზღუდული იყოს. N ვერსიის (7.0) ან უფრო ახალი ოპერაციული სისტემიდან N ვერსიის (7.0) ან უფრო ძველ ოპერაციულ სისტემაზე ელექტრონული ფოსტის პარამეტრების გადატანა შეიძლება არ იყოს მხარდაჭერილი.

• ინტერნეტის პარამეტრები: თუ მონაცემების გამომგზავნ მოწყობილობაზე დაინსტალებულია 5.x ან უფრო ახალი ვერსიის ინტერნეტ-აპლიკაცია, ხოლო მიმღებ მოწყობილობაზე დაინსტალებულია 5.x -ზე ძველი ვერსიის ინტერნეტ-აპლიკაცია, ინტერნეტის პარამეტრების აღდგენის ფუნქცია შეიძლება არ იყოს მხარდაჭერილი.