როგორ გამოვიყენო Live Translate ფუნქცია სატელეფონო ზარის დროს Galaxy S24-ზე
Galaxy S24 სმარტფონები აღჭურვილია „ჭკვიანი“ ფუნქციების ნაკრებით, რომელთაგან ერთ-ერთია Live Translate. მისი დახმარებით შეძლებ სატელეფონო საუბრის რეალურ დროში თარგმნას. ამგვარად, შენ შეგიძლია გყავდეს საკუთარი თარჯიმანი, რომელიც ყოველთვის მზად იქნება დაგეხმაროს ენობრივი ბარიერის დაძლევაში.
შენიშვნა::
- მოდელის გამოშვების მომენტში, ამ ფუნქციას აქვს 13 ენის (17 რეგიონის) მხარდაჭერა. სხვა ენები დაემატება მოგვიანებით, პროგრამული განახლების დროს.
- ქვემოთ ჩამოთვლილთაგან ზოგიერთი ენა ხელმისაწვდომი იქნება მხოლოდ ენის პაკეტის ჩამოტვირთვის შემდეგ.
- მხარდაჭერილი ენები (რეგიონები)
გამარტივებული ჩინური, ინგლისური (ინდოეთი, გაერთიანებული სამეფო, ამერიკის შეერთებული შტატები), ფრანგული, გერმანული, ჰინდი, იტალიური, იაპონური, კორეული, პოლონური, პორტუგალიური, ესპანური (მექსიკა, ესპანეთი, ამერიკის შეერთებული შტატები), ტაი, ვიეტნამური.
როგორ გავააქტიურო Live Translate ფუნქცია
Live Translate-ის გამოყენებისთვის, პირველ რიგში გაააქტიურე ეს ფუნქცია სმარტფონის პარამეტრებიდან. ამისათვის შეასრულე შემდეგი ქმედებები:
შენიშვნა:
დარწმუნდი, რომ სმარტფონი დაკავშირებულია ინტერნეტთან და შესული ხარ Samsung Account-ის ანგარიშზე.
საფეხური 1. გახსენი „პარამეტრების“ მენიუ და გადადი განყოფილებაში „დამატებითი ფუნქციები“.
საფეხური 2. აირჩიე პუნქტი მაღალი დონის ინტელექტუალური ინსტრუმენტები.
საფეხური 3. დააჭირე ღილაკს ტელეფონი.
საფეხური 4. გადამრთველი გადასწიე მარჯვნივ.
* თუ ამის შემდეგ გამოჩნდება კონტექსტური ფანჯარა, მიჰყევი მასზე მოცემულ ინსტრუქციებს.
საფეხური 5. საკუთარი ენა მიუთითე განყოფილებაში მე, ხოლო თანამოსაუბრის ენა მიუთითე განყოფილებაში თანამოსაუბრე.
* არჩეული ენა საჭიროებს ენის პაკეტის ჩამოტვირთვას, შეეხე მის გვერდით არსებულ ჩამოტვირთვის სიმბოლოს. ჩამოტვირთვის დასრულების შემდეგ გადადი გვერდის დასაწყისში და აირჩიე საჭირო ენა.
შენიშვნა: ამ ფუნქციის პარამეტრების დაყენება ასევე შეგიძლია აპლიკაციიდან „ტელეფონი“ → ვარიანტები (სამი ვერტიკალური წერტილი) → „პარამეტრები“ → Live Translate.
როგორ გამოვიყენო ფუნქცია Live Translate
ამ ფუნქციის პარამეტრებიდან აქტივაციის შემდეგ, შეგიძლია ის გამოიყენო სატელეფონო ზარების დროს.
საფეხური 1. ინტეგრირებული აპლიკაცია „ტელეფონის“ გამოყენებით წამოიწყე სატელეფონო ზარი ან უპასუხე შემომავალ ზარს და დააჭირე ღილაკს დახმარება ზარის დროს.
საფეხური 2. დააჭირე ღილაკს Live translate.
საფეხური 3. ხმოვანი ასისტენტი Bixby დაიწყებს საუბარს არჩეული ენის პარამეტრების შესაბამისად.
შენიშვნა:
ტექსტის თარგმანი და მისი ხარისხი სხვადასხვა ზარის დროს შეიძლება განსხვავებული იყოს.
შენიშვნა:
ეს ფუნქცია ასევე გთავაზობს შემდეგ დამატებით ვარიანტებს:
- თანამოსაუბრის ხმის გათიშვა: ამ დროს ითიშება თანამოსაუბრის ხმა და ისმის მხოლოდ თარგმანი.
- ენის და ხმის პარამეტრები თითოეული თანამოსაუბრისთვის: საშუალებას გაძლევს კონკრეტული ტელეფონის ნომრისთვის და კონტაქტისთვის დააყენო სასურველი ენა და ხმა.
მადლობა გამოხმაურებისთვის!
უპასუხე ყველა კითხვას.