რა ტიპის აპლიკაციები არსებობს Android-ისთვის
აპლიკაციების ტიპები
Android-ის ყველა აპლიკაცია იყოფა სამ კატეგორიად:
|
კატეგორია |
სისტემური, რომელთა განახლება ხდება firmware პაკეტის მეშვეობით |
სისტემური, რომელთა განახლება ხდება Play Store ან Galaxy Store პლატფორმების მეშვეობით |
ჩამოტვირთული |
|---|---|---|---|
|
მაგალითები |
სწრაფი გაზიარება ხმის არჩევა ჩამოტვირთვების დისპეტჩერი აპლიკაციების ორმაგი პროფილი |
Play Music Chrome Google Maps კონტაქტები გალერეა შეტყობინებები ინტერნეტი Gmail |
VK Telegram Zomato Bank of Georgia Shazam Photoshop Express Brawl Stars
|
|
ინსტალაცია ხდება ქარხანაში და ინტეგრირებულია ოპერაციულ სისტემაში |
ინსტალაცია ხდება ქარხანაში და ინტეგრირებულია ოპერაციულ სისტემაში |
ინსტალაცია ხდება მომხმარებლის მიერ Play Store ან Galaxy Store პლატფორმებიდან |
|
|
წაშლა შეუძლებელია |
წაშლა შეუძლებელია, ზოგიერთი მათგანი შესაძლებელია გათიშო |
სმარტფონის ან პლანშეტის პარამეტრებიდან |
|
|
როგორ ხდება მათი განახლება |
firmware-ის განახლების დროს |
Play Store ან Galaxy Store პლატფორმებიდან |
Play Store ან Galaxy Store პლატფორმებიდან |
|
როგორ დავაბრუნო წინა ვერსიაზე |
წინა ვერსიაზე დაბრუნება შეუძლებელია |
ოპერაციული სისტემის მეშვეობით შესაძლებელია მხოლოდ ქარხნულ ვერსიაზე დაბრუნება, რომელიც დაინსტალებული იყო მოწყობილობის შეძენის დროს. |
წინა ვერსიაზე დაბრუნება შესაძლებელია, თუ ინტერნეტში ხელმისაწვდომია ამ ვერსიის საინსტალაციო ფაილი |
|
როგორ გადავიტანო მეხსიერების ბარათზე |
მეხსიერების ბარათზე გადატანა შეუძლებელია |
მეხსიერების ბარათზე გადატანა შეუძლებელია |
მეხსიერების ბარათზე გადატანა შესაძლებელია იმ შემთხვევაში, თუ აპლიკაციის დეველოპერს გათვალისწინებული აქვს ეს შესაძლებლობა |
როგორ განვსაზღვრო აპლიკაციის ტიპი
სისტემური აპლიკაციის და ჩამოტვირთული აპლიკაციის ერთმანეთისგან გასარჩევად, სცადე მისი წაშლა თუ აპლიკაციის დისპეტჩერის ეკრანზე არის ღილაკი „წაშლა“, ეს ნიშნავს, რომ აპლიკაცია ჩამოტვირთულია. თუ ეკრანზე არ არის ღილაკი „წაშლა“, ეს ნიშნავს, რომ აპლიკაცია სისტემურია.
აპლიკაციების დისპეტჩერის მენიუში შეგიძლია ცალ-ცალკე გამოაჩინო სისტემური და ჩამოტვირთული აპლიკაციები. იმის გასაგებად, თუ როგორ შეასრულო ეს მოქმედება Android 14-8 ვერსიებზე, მიჰყევი ქვემოთ მოცემულ ინსტრუქციებს.
საფეხური 1. გახსენი „პარამეტრები“ და აირჩიე ჩანართი „აპლიკაციები“.
საფეხური 2. გახსენი „ვარიანტები“ (ღილაკი სამი ხაზით ან სამი წერტილით).
საფეხური 3. გაააქტიურე პუნქტი „სისტემური აპლიკაციების ჩვენება“.
საფეხური 4. დააჭირე ღილაკზე „დიახ/OK“.
იმისათვის, რომ ერთმანეთისგან განასხვაო firmware-ის მეშვეობით განახლებადი და Google Play პლატფორმიდან განახლებადი სისტემური ფაილები, მიჰყევი ქვემოთ მოცემულ ინსტრუქციებს.
საფეხური 1. გახსენი Google Play და დააჭირე „პირადი კაბინეტის“ სიმბოლოს.
საფეხური 2. აირჩიე პუნქტი „აპლიკაციების და მოწყობილობების მართვა“.
საფეხური 3. გახსენი ჩანართი „მართვა“ და სცადე სიაში მოძებნო ეს აპლიკაცია. თუ აპლიკაცია სიაშია, ნიშნავს რომ მისი განახლება ხდება Google Play პლატფორმიდან, თუ არ არის — განახლება ხდება firmware-ის მეშვეობით.
ზოგიერთი აპლიკაციის განახლება მხოლოდ Galaxy Store პლატფორმიდან ხდება. Galaxy Store პლატფორმიდან განახლებადი აპლიკაციების სანახავად მიჰყევი ქვემოთ მოცემულ ინსტრუქციებს.
საფეხური 1. გახსენი Galaxy Store და დააჭირე ღილაკს „მენიუ“.
საფეხური 2. გახსენი ჩანართი „განახლება“.
საფეხური 3. აქ მოცემული იქნება ის სისტემური აპლიკაციები, რომელთა განახლება მხოლოდ Galaxy Store პლატფორმიდანაა შესაძლებელი.
მადლობა გამოხმაურებისთვის!
უპასუხე ყველა კითხვას.