რა გავაკეთო, თუ Samsung-ის ტელევიზორის ეკრანზე არასწორად გამოისახება ფერები

საფეხური 1. გადადი „პარამეტრებზე“ (მენიუ).

საფეხური 2. გადადი განყოფილებაში „ზოგადი“.

საფეხური 3. გახსენი „სპეციალური ფუნქციები“.

საფეხური 4. გამორთე ფუნქციები „შავ-თეთრი გამოსახულება“ ან „ფერადი ნეგატივი“, თუ ისინი ჩართულია.

Samsung-ის ტელევიზორებზე გამოსახულების რამდენიმე რეჟიმია: სტანდარტული, დინამიური, კინო და სხვა.

ყველა მათგანისთვის გათვალისწინებულია სიკაშკაშის, სიმკვეთრის, კონტრასტის, ფერების და სხვა დეტალების გარკვეული პარამეტრები. მომხმარებელს შეუძლია ამ პარამეტრების შეცვლა.

თუმცა შესაძლებელია მომხმარებლის მიერ შეტანილი ცვლილებების გაუქმება და რეჟიმის ნაგულისხმევ პარამეტრებზე დაბრუნება. პარამეტრები თითოეული რეჟიმისთვის ცალ-ცალკე გადაიტვირთება.

საფეხური 1. გადადი „პარამეტრებზე“ (მენიუ).

საფეხური 2. აირჩიე „გამოსახულება“.

საფეხური 3. გახსენი „დამატებითი პარამეტრები“. თუ ასეთი პუნქტი არ არის, გადადი შემდეგ საფეხურზე.

გაიხსნება გამოსახულების რეჟიმისთვის დაყენებული დამატებითი პარამეტრები. მაგალითად, ქვემოთ მოცემულ ეკრანის ანაბეჭდზე გამოსახულ ღილაკზე დაჭერისას გაიხსნება გამოსახულების „დინამიური“ რეჟიმის პარამეტრები. 

თუ გსურს სხვა რეჟიმის (მაგალითად „კინოს“) პარამეტრების გადატვირთვა, დააჭირე პუნქტს „გამოსახულების რეჟიმები“ და აირჩიე სასურველი.

საფეხური 4. აირჩიე „გამოსახულების გადატვირთვა“.

საფეხური 5. გადატვირთვის დასადასტურებლად დააჭირე ღილაკს „გადატვირთვა“ (შეიძლება იყოს ვარიანტები „OK“ და „კი“).

მოხდება გამოსახულების მიმდინარე რეჟიმის პარამეტრების გადატვირთვა.