რა გავაკეთო, თუ Bluetooth-პულტსა და Samsung-ის ტელევიზორს შორის კავშირი წყდება

ამ სტატიაში გაიგებ, თუ რა უნდა გააკეთო, როდესაც Samsung-ის ტელევიზორსა Bluetooth-პულტს შორის პერიოდულად კავშირი იკარგება.

ამ პრობლემის გადასაჭრელად, შეასრულე ქვემოთ მოცემული საფეხურები.

თუ პულტისთვის შალითას ან რაიმე სხვა დამცავ აქსესუარს იყენებ, მოხსენი ის და ხელახლა შეამოწმე პულტის მუშაობა. მსგავსი აქსესუარების გამოყენებისას, შეიძლება მოხდეს სინქრონიზაციის ღილაკებზე შემთხვევით დაჭერა, რაც გამოიწვევს პულტსა და ტელევიზორს შორის კავშირის გაწყვეტას.

ჩახსენი ტელევიზორი როზეტიდან დაახლოებით 30 წამის განმავლობაში და შემდეგ ხელახლა ჩართე.

შეამოწმე, იყენებ თუ არა იმ პულტს, რომელიც შენს Samsung-ის ტელევიზორთან ერთად მიიღე. ასევე დასაშვებია Samsung-ის ჩვეულებრივი (ღილაკებიანი) ინფრაწითელი პულტის გამოყენება.

თუ ტელევიზორის კომპლექტში მხოლოდ ღილაკებიანი პულტი შედის, შენ მიერ ცალკე შეძენილი Smart Touch Control პულტი შეიძლება არასწორად მუშაობდეს.

გახსენი დისტანციური მართვის პულტის უკანა საფარი და შეცვალე ელემენტები.

პულტის ტელევიზორთან დასაწყვილებლად, პულტი მიმართე ტელევიზორისკენ, არანაკლებ 20 სმ მანძილიდან.

შემდეგ აირჩიე შენი ტელევიზორის მოდელი ან პულტის ტიპი:

თუ პულტი არ ამუშავდა, გადადი შემდეგ საფეხურზე.

ამისათვის:

1. ჩართე ტელევიზორი.
2. მიმართე პულტი ტელევიზორის ინფრაწითელი სენსორისკენ (ინდიკატორისკენ).
3. ხანგრძლივად დააჭირე პულტის ერთდროულად ორ ღილაკს, სანამ ინდიკატორი ციმციმს არ შეწყვეტს - ღილაკების დასახელება დამოკიდებულია შენი ტელევიზორის სერიაზე.

4. ქარხნულ პარამეტრებამდე გადატვირთვის შემდეგ, პულტი ავტომატურად დაწყვილდება ტელევიზორთან - ეკრანის ზედა ნაწილში გამოჩნდება შეტყობინება „დაწყვილება დასრულებულია“. თუ ეს არ მოხდა, დააჭირე პულტის ნებისმიერ ღილაკს („POWER“ ღილაკის გარდა), რის შემდეგაც დაწყვილება დასრულდება.

შესაძლოა, პულტი ცოტა ხნის წინ იატაკზე დაგივარდა და ემჩნევა ჩამოტეხვის, დაზიანების ან ბზარების კვალი.

თუ პულტს მექანიკური დაზიანება აქვს, სამწუხაროდ მის შეცვლას საგარანტიო მომსახურება არ ითვალისწინებს.

თუ დაზიანება არ არის, გადადი შემდეგ საფეხურზე.

შედი ტელევიზორის მენიუში, შეამოწმე გამოისახება თუ არა MAC-მისამართი მენიუს პუნქტში „Samsung-თან დაკავშირება/ამ ტელევიზორის შესახებ“.

მაგალითები:

• MAC-მისამართი არასწორად გამოისახება: „00:00:00:00:00:00“ ან „ff:ff:ff:ff:ff:ff“ ან „****“.
• MAC-მისამართი სწორად გამოისახება: „18-67-B0-42-1D-2E“.

თუ დაზიანება არ არის, გადადი შემდეგ საფეხურზე.

სცადე შენს ტელევიზორთან Bluetooth-კლავიატურის, მაუსის ან ყურსასმენების დაკავშირება.

თუ სხვა Bluetooth-მოწყობილობებთან დაკავშირებისას კავშირი წყდება, დიაგნოსტიკისა და რემონტისთვის მიმართე სერვის-ცენტრს.

თუ სხვა Bluetooth-მოწყობილობებთან დაკავშირებისას კავშირი არ წყდება, შეცვალე დისტანციური მართვის პულტი ახლით. ამისათვის დაუკავშირდი Samsung-ის უფასო მხარდაჭერის სამსახურს.