მრავალფეროვნება · სამართლიანობა · ინკლუზია
მრავალფეროვნება · სამართლიანობა · ინკლუზია
კულტურული მრავალფეროვნების
ხელშეწყობა უკეთესი მომავლის
უზრუნველსაყოფად
კულტურული მრავალფეროვნების
ხელშეწყობა უკეთესი მომავლის
უზრუნველსაყოფად
იყავი ის, ვინც ხარ და შექმენი უკეთესი მომავალი
Samsung-ში ჩვენ გვჯერა: ინკლუზიური სამუშაო გარემოს და მრავალფეროვნების კულტურის გარეშე, ინოვაცია და ზრდა შეუძლებელია. ამიტომ, ჩვენი მიზანია - შევქმნათ საერთაშორისო გუნდი, სადაც ყველას აქვს თანაბარი უფლებები და შეუძლია საკუთარი ნიჭის გამოვლენა. ერთად ჩვენ ავაშენებთ უკეთეს მომავალს ჩვენი მომხმარებლებისთვის, პარტნიორებისთვის და მთლიანად საზოგადოებისთვის.
ადამიანები Samsung-ში
Samsung-ის თანამშრომლების მრავალფეროვანი გამოცდილება და ხედვა გვაძლევს საშუალებას, ერთად ავაშენოთ უკეთესი მომავალი.
Retail Operation / საუდის არაბეთი
Sarah Alnahdi
„როგორც საუდელი ქალი, რომელიც Samsung Electronics-ში მუშაობს, თავს პრივილეგირებულად ვგრძნობ, რადგან ისეთ გარემოს მივეკუთვნები, რომელშიც ყველა თანასწორია. ჩვენ ყველანი ერთსულოვნად ვმუშაობთ კომპანიის მიზნების მისაღწევად და დადებითი სამუშაო გარემოს შესაქმნელად. ვიცი, რომ ვარ იმ ოჯახის წევრი, რომელიც ყოველთვის ჩემს გვერდით იდგება, მე კი, ჩემი მხრივ, მათ დავუდგები გვერდში.“
Business Strategy / აშშ
Seth Nicaulas Brown
„ყოველ დილით ვიღვიძებთ მოტივირებულნი, რათა შევქმნათ უფრო ინკლუზიური და მრავალფეროვანი სამუშაო ძალა ყველა დონეზე, რომელშიც აისახება არა მხოლოდ ჩვენ გარშემო არსებული სამყარო, არამედ იმ მომხმარებელთა სამყაროც, რომლებსაც ვემსახურებით. აზრთა სხვადასხვაობა, უნარ-ჩვევებისა და გამოცდილების მრავალფეროვნება განამტკიცებს გუნდების შესაძლებლობებს და კომპეტენციას მეტი თანასწორობისა და სამართლიანობის მისაღწევად.“
Internal Communication / გაერთიანებული სამეფო
Charlotte Grant
„ჩვენ ვართ საერთაშორისო კომპანია, რაც გულისხმობს მრავალფეროვნებას, განსხვავებულ რელიგიურ შეხედულებებს, რასობრივ იდენტობასა და ეთნიკურ წარმომავლობას. თქვენი ვალდებულებაა გააცნობიეროთ საკუთარი არაობიექტურობა და გულწრფელად აღიაროთ ეს. მეორე მხრივ, ჩვენი ვალდებულებაა უპირატესობა მივანიჭოთ საკუთარ თანამშრომლებსა და მომხმარებლებს, ამიტომ ჩვენი შიდა საზოგადოება უნდა ასახავდეს ჩვენ გარშემო მყოფ საზოგადოებას.“
HR Business Partner / ინდოეთი
Kunj Sood
„ვინაიდან ვარ შშმ პირი და ასევე DEI საბჭოს წევრი, მიმაჩნია, რომ ჩვენი ვალდებულებაა ერთად განვახორციელოთ კულტურული ცვლილებები და მეტად ინკლუზიური ორგანიაზაცია გავხდეთ. DEI საბჭოს შექმნა წინ გადადგმული ნაბიჯია SIEL-თან დაკავშირებით უფრო ამბიციური მიზნების მისაღწევად, რაც, ღრმად მწამს, Samsung-ში ისეთი უნიჭიერესი ადამიანების დასაქმებაში დაგვეხმარება, რომლებიც სხვადასხვა ჯგუფის წარმომადგენლები იქნებიან“.
CS Planning / კოლუმბია
Constanza Sepulveda
„ვინაიდან გუნდის ხელმძღვანელობის შესაძლებლობა მომეცა, სრულად გავაცნობიერე, თუ როგორ შემეძლო შემექმნა მრავალფეროვანი გუნდი, რომელიც შეძლებდა ჩვენი ინოვაციური საქმიანობის, მიღებული გადაწყვეტილებებისა და შედეგების გაუმჯობესებას. DEI უფრო მეტია, ვიდრე უბრალოდ სამართლიანობის ინსტრუმენტი. ის წარმოადგენს ბიზნეს სტრატეგიას, რომლის მთავარი კომპონენტებია ეფექტიანობა, ხარისხი და წარმატება.“
System Structure Design / აშშ
Sajid Sadi
„თუ რაიმე თავად არ დაგჭირდება, შეუძლებელია მოთხოვნილების სრულად გაცნობიერება. ყველანაირი მრავალფეროვნება ასეთი ცნობიერების არსებითი კომპონენტია. მხოლოდ მაშინ, როდესაც ერთსულოვანნი და ერთიანნი გავხდებით, შეგვეძლება მაქსიმალურად პროდუქტიულები ვიყოთ.“
Counselling / ვიეტნამი
Trang Thi Hoang
„Samsung უფრო მეტია, ვიდრე უბრალოდ სამუშაო ადგილი. ის ცხოვრებაში სასიკეთო საქმის კეთების საშუალებას მაძლევს. ფსიქოლოგიური საკონსულტაციო საქმიანობით Samsung-ის თანამშრომლებისადმი თანაგრძნობასა და კეთილგანწყობას გამოვხატავ, რითიც მათ საკუთარი თავის დაფასებასა და ჯანსაღი სულიერი ცხოვრებით ცხოვრებაში ვეხმარები. ეს ასევე ემსახურება საერთო კეთილდღეობას, რაც Samsung-ის მიზანს წარმოადგენს, ხოლო ჩემთვის ყოველთვის საამაყო და პატივსადებია."
Business Process Management / სამხრეთ აფრიკა
Hlubi Shivanda
„მრავალფეროვნება და ინკლუზია არის გარანტია იმისა, რომ ჩვენი ორგანიზაცია ისარგებლებს მრავალი სხვადახვა კვალიფიკაციის, გამოცდილებისა და ცოდნის მქონე ადამიანების დახმარებით. ბიზნეს პროექტი სარგებლიანია, ვინაიდან ყველას, მიუხედავად სქესისა, რასისა, კანის ფერისა თუ მრწამსისა, ეძლევა საკუთარი აზრის დაფიქსირების შესაძლებლობა, რაც ნათლად ჩანს იქიდან, რომ შევძელით დაგვეკმაყოფილებინა მოთხოვნა-მიწოდება იმ სხვადასხვა ბაზარზე, რომელზეც ვოპერირებთ.“
Corporate Social Responsibility / ჩინეთი
Laixin Zhang
„ჩინეთში გაციფრულების, ხელოვნური ინტელექტისა და ავტომატიზაციის განვითარებით, სულ უფრო და უფრო მეტი ქალი ერთვება სოციალურ და ეკონომიკურ განვითარებაში, რათა, როგორც ნიჭიერმა ქალბატონებმა, აიხდინონ საკუთარი ოცნებები და გახდენენ მეტად თავდაჯერებულნი, სრულყოფილნი, პასუხისმგებელნი და შემოქმედებითნი სამეცნიერო-ტექნოლოგიურ დარგში. ჩვენ მათთვის გადამზადების შესაძლებლობებს უზრუნველვყოფთ და ვიმედოვნებთ, რომ მომავალში სამეცნიერო-ტექნოლოგიურ დარგში მეტ ნიჭიერ ქალბატონს ვიხილავთ.“
Corporate Social Responsibility / არაბთა გაერთიანებული საამიროები
Rim Chehabi
„მრავალწლიანი გამოცდილების მქონე ორგანიზაციები გამოირჩევიან იმით, რომ ქმნიან და ამკვიდრებენ მრავალფეროვნებისა და ინკლუზიის პრაქტიკას, ვინაიდან საერთო ხედვის განხორციელებისას ეს მათ სხვადასხვა პერსპექტივის განხილვის შესაძლებლობას აძლევს.“
Manufacturing Line Management / ტაილანდი
Kanokchon Taemchim
„ამ კომპანიაში 2008 წლიდან ვმუშაობ. მე ლგბტქ თემის წარმომადგენელი ვარ, მაგრამ სხვებისგან განსხვავებულად თავი არასდროს მიგრძვნია. მეტიც, თვითგანვითარების შესაძლებლობა მომეცა. ჩემი გუნდი მხარს უჭერს მრავალფეროვნებას და ხელს მიწყობს, რომ კარიერაში წარმატებული ვიყო იმით, რომ ხაზს უსვამს ჩემს შესაძლებლობებს და არა გენდერს. მე კმაყოფილი ვარ საკუთარი სამსახურით და გავაგრძელებ Samsung-ში მუშაობას რაც შეიძლება ხანგრძლივი დროით.“
თანამშრომლების რესურს-ჯგუფები
ჩვენ მიგვაჩნია, რომ ინოვაციების განვითარება შეუძლებელია კულტურის გარეშე, რომელიც პატივს სცემს მრავალფეროვნებას, თანასწორობასა და ინკლუზიურობას. ჩვენი რესურს-ჯგუფები აერთიანებს განსხვავებულ ადამიანებს, რის შედეგადაც ჩვენი თანამშრომლები, სწავლობენ ერთმანეთის განსხვავებულობის დაფასებას და ფასეულ რესურსად გარდაქმნას.
* Samsung-ს ჰყავს თანამშრომლების სხვადასხვა რესურს-ჯგუფი, მათ შორის მომუშავე მშობლებისა და ვეტერანთა ჯგუფები სხვადასხვა რეგიონში, მათ შორის აშშ-ში, ევროპაში, ლათინურ ამერიკასა და სამხრეთ-დასავლეთ აზიაში.
SIEL-S / ინდოეთი / Women in Samsung Electronics (WiSE)-ის ხელმძღვანელი
Karina Sudarsan
„WISE წარმოადგენს ERG-ს, რომლის მიზანიც არის ქალების გაძლიერება და შთაგონება, რათა მოეხსნათ კომპანიასა და უფრო ფართო ჯგუფებში არსებული დაბრკოლებები. მე მჯერა, რომ გენდერულ მრავალფეროვნებას შეუძლია მეტი სარგებელი მოუტანოს ორგანიზაციას. 2022 წელს დაიწყო WiSE-ის, SIEL-ის პირველი ERG-ს ისტორია. ჩვენ ჩავატარეთ საგანმანათლებლო სემინარები, რომელთა მიზანიც იყო განგვემარტა, თუ რას, რატომ და როგორ ახორციელებენ ERG-ები, რათა თანამშრომლებისთვის მიგვეცა შესაძლებლობა უკეთ გაეცნობიერებინათ მისი კონცეფცია და საკუთარი როლი აღნიშნულში.
SEA / აშშ / UNIDOS-ს ხელმძღვანელი
Nora Lango
„ჩემთვის დიდი პატივია UNIDOS-ის საერთო ხელმძღვანელის თანამდებობის დაკავება, ვინაიდან ეს შესაძლებლობას მაძლევს შევქმნა მეგობრული და საინტერესო გარემო ჩვენი წევრებისათვის და თანამშრომელთა უფრო ფართო ჯგუფისათვის. 2022 წელს ჩვენ ჩამოვაყალიბეთ პარტნიორობა DePaul-ის უნივერსიტეტთან, რისი დახმარებითაც SEA-ს თანამშრომლებისთვის უზრუნველვყოფთ უფასო სემინარებს, რომლებიც ეხება პერსონალურ განვითარებას. ჩვენ მოვაწყვეთ 7 სემინარი, რომლებიც ჩაატარეს DePaul-ის პროფესორებმა ისეთ თემებზე, როგორიცაა: „გაყიდე შენი საუკეთესო ვერსია“ (Selling the Best Possible You), „ინტროვერტი ლიდერების სიძლიერე“ (the Power of Introvert Leaders) და „გულისხმიერება სამსახურში“ (Mindfulness@Work).“
SEUK / გაერთიანებული სამეფო / True Ability-ს ხელმძღვანელი
Steven Woodgate
„მე ვხედავ ჩემს უხილავ შეზღუდულ შესაძლებლობებს (დისლექსიასა და დისპრაქსიას) როგორც სუპერძალას, ვინაიდან ვცდილობ შემოქმედებითი აზროვნება და პრობლემების გადაჭრის უნარი დიდი წარმატების მისაღწევად გამოვიყენო. მსურს, რომ ადამიანებს სჯეროდეთ საკუთარი შეზღუდული შესაძლებლობების და ისინი სუპერძალად მიიჩნიონ. True Ability გეგმავს ღონისძიებებს შეზღუდული შესაძლებლობების შესახებ ცნობიერების ამაღლების მიზნით და ეს განათლების მიცემის, ზეგავლენის მოხდენისა და განვითარების მხოლოდ დასაწყისია.“
SEA / აშშ / Galaxy of Black Professionals(GBP) ხელმძღვანელი
Seth Brown
„ჩვენ ვთანამშრომლობთ და ვიბრძვით ყველასათვის დადებითი ცვლილებების მისაღწევად. 2022 წელს ჩვენს მიზანს წარმოადგენდა პარტნიორობის, როგორც სტრატეგიული კომპონენტის, გაფართოება. ჩვენ კავშირი დავამყარეთ აშშ-ში არსებულ 8 სხვა კომპანიასთან, რათა შეგვექმნა რიგი პროგრამებისა 2022 წელს მონობის გაუქმების დღის აღსანიშნად. ეს პარტნიორობა დღესაც მოქმედია და კონგლომერატი უკვე მე-2 წელია, რაც კომპანიათაშორისი თანამშრომლობის დაგეგმარებაზე მუშაობს.“
SAS / აშშ / Military Appreciation Group(MAG) ხელმძღვანელი
Mike Atencio
„MAG-ის მისიის საკვანძო ღირებულებებს წარმოადგენს მეგობრული განწყობისა და ურთიერთგაგების უზრუნველყოფა. ჩვენ ვმასპინძლობთ ყოველთვიურ შეხვედრებს მოწვეული სპეციალისტი-ლექტორების მონაწილეობით, რომლებიც ჩართულნი არიან რამდენიმე საინიციატივო ღონისძიებაში, და აღვნიშნეთ მნიშვნელოვანი ეტაპები სამხედრო მოსამსახურეთათვის. ასევე მოხარული ვარ, რომ პროგრამა მოიცავს არა მხოლოდ ოსტინის კამპუსში მომუშავე თანამშრომლებს, არამედ ყურადღებას ვამახვილებთ სატელიტურ ოფისებსა და ტეილორის სამშენებლო ბაზაზე მყოფ კოლეგებზეც.“
Initiative Highlights
ჩვენ ვცდილობთ, შევქმნათ ინკლუზიური და მრავალფეროვანი კულტურა ჩვენს კომპანიაში.
Samsung Pioneers Initiative
2020 წლის ოქტომბერში ევროპაში დავიწყეთ ინიციატივა „Samsung Pioneer“, რათა ხელი შეგვეწყო გენდერული თანასწორობისთვის და განგვეხორციელებინა ცვლილებები IT-ის დარგში პოზიტიური სამუშაო გარემოს შესაქმნელად ღია ფორუმების, გამოკითხვებისა და მედიაში რეკლამირების საშუალებით.
STEM Girls’ Project: Solve For Tomorrow
2018 წელს China-ში დავიწყეთ გოგონებში ნიჭის განვითარების პროგრამა, რომელიც განკუთვნილია გოგონებისათვის, რომლებიც STEM-ის სხვადასხვა დარგში სპეციალობას ირჩევენ. მას შემდგომ, ვთანამშრომლობთ გამორჩეულ ადგილობრივ სკოლებთან China-ში, რათა გავაძლიეროთ გოგონები სამეცნიერო-ტექნოლოგიურ დარგში.
Integrating Tech with Humanity: Samsung Innovation Campus
Italy-ში Samsung-ის ინოვაციების კამპუსი ოპერირებს ქალი-ინჟინრების მხარდაჭერის მიზნით. ის ეხმარება ახალგაზრდა ქალ-თანამშრომლებს, რომლებსაც სურთ საკუთარი ტექნიკური ნიჭისა და უნარ-ჩვევების განვითარება.
Sign Language Customer Service
2015 წელს Türkiye-ში დავიწყეთ ჟესტურ ენაზე მოსაუბრე მომხმარებელთა დახმარების სამსახურის ოპერირება სმენადაქვეითებულ მომხმარებელთა დასახმარებლად. მას შემდეგ, ჟესტურ ენაზე მოსაუბრე მომხმარებელთა დახმარების სამსახური, რომელიც ემსახურება ყრუ და სმენადაქვეითებულ პირებს, რომლებიც, მიუხედავად იმისა, რომ მათ პროდუქტის გამოყენებაში პრობლემა შეექმნათ, ტექნიკური მხარდაჭერით ვერ სარგებლობენ, 2021 წლიდან გაფართოვდა მსოფლიო მასშტაბით და ახლა უკვე 57 ქვეყანაში ოპერირებს.
Accessibility Advisory Group (Samsung Family Supporters)
2022 წლის სექტემბერში მუშაობა დაიწყო Samsung-ის ოჯახის მხარდამჭერთა ჯგუფმა, რომელიც წარმოადგენს საინიციატივო-საკონსულტაციო ჯგუფს, რომელიც მუშაობს პროდუქტის მისაწვდომობისა და ვარგისიანობის საკითხებზე; მის შემადგენლობაში შედიან ჩვენი თანამშრომლები, რომელთაც შეზღუდული შესაძლებლობები აქვთ, და თანამშრომელთა ოჯახის წევრები, რომლებსაც შეზღუდული შესაძლებლობები აქვთ. ჯგუფის 42 წევრი, რომლებსაც შეზღუდული აქვთ მხედველობა, სმენა და ფიზიკური შესაძლებლობები, მონაწილეობას იღებენ შემუშავების ეტაპზე მყოფი პროდუქციის ტესტირებაში და იძლევიან შეფასებას მისაწვდომობის ფუნქციებთან დაკავშირებით.
Sign Language Counseling and Education
ინიციატივის ფარგლებში, რომელიც გულისხმობს ბრაზილიაში ჩვენი თანამშრომლებისათვის ინკლუზიური სამუშაო გარემოს შექმნას, ვთავაზობთ საკონსულტაციო მომსახურებას ჟესტურ ენაზე სმენადაქვეითებული თანამშრომლებისათვის, როგორც ჟესტური ენის ონლაინ, ისე დასწრებითი კურსების ფორმატში; აღნიშნული კურსები ხელმისაწვდომია მანაუს საწარმოო ბაზაზე მომუშავე ყველა თანამშრომლისათვის. კამპანასის საწარმოო ბაზაზე ყოველწლიურად აღვნიშნავთ შშმ პირთა დღეს, ამისათვის ვაწყობთ სპეციალურ ღონისძიებებს, რომლებიც მისაწვდომობის საჭიროებას ითვალისწინებს.
* თითოეულ ფილიალში არსებულ გარემოებათა მიხედვით, მოქმედ საინიციატივო პროგრამასა და ღონისძიებებში შეიძლება განხორციელდეს ცვლილებები ან ისინი შეიძლება გაუქმდეს.
აღიარება და ჯილდოები
მას შემდეგ, რაც დავიწყეთ კომუნიკაციისა და ჩართულობის ვალდებულებების აღება მეტი მრავალფეროვნებისა და ინკლუზიის უზრუნველსაყოფად, ჩვენი ინიციატივა აღიარეს ადვოკატირების ჯგუფებმა, სამთავრობო და არასამთავრობო ორგანიზაციებმა.
აშშ
კორპორაციული თანასწორობის ინდექსი - საუკეთესო სამუშაო ადგილები (2022)
აშშ
საუკეთესო ადგილი მომუშავე მშობლებისათვის (2023)
კანადა
კანადის საუკეთესო დამსაქმებლები ახალგაზრდებისთვის (2023)
ტაილანდი
საპატიო სიგელი მხედველობის შეზღუდვის მქონე პირებისთვის ინკლუზიური პროდუქტების შექმნისა და მათი მომსახურებისთვის
(2023)
ინდოეთი
მნიშვნელოვანი წვლილი ჰიბრიდული სამუშაო გარემოს მართვაში (2021)
მექსიკა
ეროვნული CX ჯილდო
ყველაზე მნიშვნელოვანი CX წვლილი სოციალურ პასუხისმგებლობაში
(2023)
კორეა
ოჯახის საჭიროებებზე მორგებული კომპანია (2021)
