Како да наполните Samsung Galaxy Watch со или без полнач
За целосно искористување на Galaxy Watch, наполнете го правилно. Треба да се наполни пред да го користите првпат или ако не бил користен подолг временски период. Едно нешто што треба да се запамети е дека траењето на батеријата на часовникот зависи од поврзувањето преку Wi-Fi, апликациите што се користат и честотата на повиците и пораките. Информациите што се наведени подолу може да ви помогнат за правилно да го полните часовникот.
Забелешка: за да избегнете потенцијално оштетување на Galaxy Watch, најдобро е да користите само полначи, батерии, кабли и пристани што се одобрени од Samsung.
Ставете го часовникот на безжичниот полнач така што ќе го порамните центарот на задната страна на часовникот со центарот на безжичниот полнач.
Исто така, можете да го полните Galaxy Watch преку компатибилна подлога за безжично полнење или уред со слична функционалност.
Galaxy Watch може да се полни со телефон Galaxy преку иновативната функција за безжично споделување енергија.
Чекор 1. Повлечете надолу од врвот на телефонот Galaxy со два прста за да отворите Брз панел > допрете ја иконата Безжично споделување енергија.
Чекор 2. Спојте ги задните делови на Galaxy Watch и телефонот Galaxy (модел S10 или повисок).
Чекор 3. Кога ќе започне полнењето, телефонот ќе вибрира еднаш, а екранот на часовникот ќе покаже дека се полни.
Чекор 4. Исклучете ги уредите и оневозможете го безжичното споделување енергија на телефонот кога ќе се пренесе доволно енергија на часовникот.
Дознајте повеќе за тоа како да користите Безжично споделување енергија.
Забелешки:
- Можете да ја додадете иконата за безжично споделување енергија на Брзиот панел: допрете ја иконата Молив > допрете Целосно уредување > изберете Безжично споделување енергија > допрете Готово.
- Ако уредите имаат проблем со поврзувањето или ако часовникот се полни бавно, отстранете ги сите футроли или додатоци од уредите.
- Погрижете се телефонот што го користите како полнач да има батерија од најмалку 30 %.
- Некои модели можеби не ја поддржуваат оваа функција.
Активирањето на режимот за Штедење енергија на Galaxy Watch ќе ги ограничи следните функции за да заштеди батерија:
- Исклучи: гест за будење, секогаш активен приказ и Wi-Fi
- Ограничи: перформанси на процесорот, користење на мрежата во заднина, локација и синхронизација
- Намали: осветленост и исклучување на екранот
Чекор 1. Отворете Поставувања > допрете Батерија.
Чекор 2. Допрете Штедење енергија.
Благодариме за повратните информации
Одговори на сите прашања.
Контакт информации
Live chat
![Messenger]()
![Messenger]()
Пон-петок | 09-18ч и 19-08ч
WhatsApp поддршка
![WhatsApp]()
![WhatsApp]()
Пон - Пет | 09-18 часот
Code to Open Chat Window