Како да ги полните слушалките Galaxy Buds

Слушалките Galaxy Buds се осмислени да бидат удобни, сестрани и подготвени за работа кога сакате. За секогаш да ги одржувате вашите слушалки Galaxy Buds во одлична форма, важно е да бидете сигурни дека тие се соодветно наполнети. Подолу, научете како да ги полните слушалките Galaxy Buds и да го следите статусот на полнење за секогаш да го извлечете максимумот од вашите слушалки Buds.

Приказ на слушалките Galaxy Buds во нивната кутија.
Пример приказ на кутијата за слушалки Galaxy Buds со приклучок за полнење и USB кабел.

За да ја наполните батеријата на слушалките Galaxy Buds, следете ги следниве чекори:

1 Кутијата за слушалки Galaxy Buds е и полнач, затоа прво ставете ги слушалките во кутијата за полнење. Не ставајте ги безжичните слушалки во кутијата за полнење ако се влажни или валкани.
2 Затворете ја кутијата за полнење и поврзете го USB кабелот со приклучокот за полнење или ставете ја кутијата за полнење на безжичен полнач. И безжичните слушалки и кутијата се полнат истовремено.

Имајте предвид: Не е вклучен адаптер за приклучување на USB кабелот во ѕиден штекер. Користете само Samsung уреди за полнење со слушалките Galaxy Buds. Дополнителната опрема Samsung е осмислена за да го максимизира работниот век на батеријата на уредот. Ако користите друга дополнителна опрема може да дојде до оштета која можеби не е покриена со гаранцијата.

За време на полнењето, може да забележите дека вашиот уред и полначот се загреани. Ова спаѓа во нормалниот опсег на работа и не влијае врз животниот век на уредот или неговите перформанси. Доколку се случи ова, отстранете го уредот од полнач и почекајте да се олади. 

Имајте предвид: Немојте да го демонтирате, менувате или поправате вашиот уред. Ставање на предмети како картички со магнетна лента, вклучувајќи кредитни картички, телефонски картички, девизни книшки и авионски билети веднаш до уредот или полначот може да го оштетат магнетното поле на полначот или уредот.

Кога ќе ги поврзете безжичните слушалки и кутијата за полнење, LED светлата ќе светнат во одредени бои за да го покажат нивото на батеријата. 

Пример приказ на слушалки Samsung Buds во кутијата, со истакнати индикатори за батеријата на безжичните слушалки и кутијата за полнење.
  • Зелено: Целосно наполнето.
  • Црвено: Се полни.
  • Трепкачко црвено: Грешка во полнење. Повторно поврзете ги кутијата и безжичните слушалки. Доколку повторно се појави грешка, јавете се во сервисен центар на Samsung за сервисна поддршка.

Имајте предвид: Може да го проверите нивото на батеријата на кутијата и на безжичните слушалки во апликацијата Galaxy Wearable.

Wireless PowerShare ви овозможува безжично да ги полните слушалките Galaxy Buds со користење на поддржани паметни телефони Samsung. Додека споделувате напојување, некои функции на вашиот паметен телефон нема да бидат достапни. 

Пример приказ на слушалки Galaxy Buds кои се полнат на паметен телефон.

За безжично полнење на слушалките Galaxy Buds со Wireless PowerShare, следете ги овие чекори:

1 Од вашиот телефон, активирајте ја функцијата Wireless PowerShare.
2 Ставете го телефонот со лицето надолу и поставете го компатибилниот уред на задниот дел на телефонот за да се полни. Кога ќе започне полнењето, ќе се слушне звук за известување или вибрација.

Може да го активирате режимот Wireless PowerShare преку поставките на вашиот уред. За да го направите ова, следете ги овие чекори:

1 Отворете ги Поставките.
2 Повлечете надолу и допрете на „Грижа за батерија и уред“.
3 Допрете ја опцијата „Батерија“.
4 Изберете ја опцијата „Безжично споделување енергија“.
5 Вклучете го копчето за активирање.

Имајте предвид: Wireless PowerShare работи со повеќето уреди сертифицирани со Qi и потребно е минимум 30 % батерија за да дели енергија (може да го смените минимумот, приспособувајќи го помеѓу 30 % или 90 %). Брзината на полнење и енергетската ефикасност се разликуваат во зависност од уредот. Wireless PowerShare може да не работи со одредена дополнителна опрема, футрола или други уреди на производителот. Доколку имате проблем со поврзување или доколку полнењето е бавно, отстранете ги футролите од секој уред.

За најдобри резултати при користење Wireless PowerShare:

  • Отстранете ја сета дополнителна опрема или футроли пред да ја активирате оваа функција. Wireless PowerShare може да не работи соодветно во зависност од видот на дополнителната опрема или футролата на уредот.
  • Локацијата на навојот за безжично полнење може да се разликува во зависност од уредот, па можеби ќе треба да ја приспособите поставеноста на уредите за да се поврзете. Кога ќе започне полнењето, ќе се појави известување или вибрација која укажува дека поврзувањето е успешно. Не преместувајте го или не користете го уредот додека се полни.
  • Тоа може да влијае врз приемот на повици или податочните услуги, во зависност од мрежното опкружување.
  • Брзината на полнење или ефикасноста може да се разликуваат во зависност од условите на уредот или опкружувањето.
  • Не користете слушалки додека ги полните уредите со Wireless PowerShare.

Поврзани прашања

Благодариме за повратните информации

Контакт информации

Live chat
Messenger Messenger

Разговарајте со нашите експерти и добијте ги најбрзите одговори на сите Ваши прашања.

Пон-петок | 09-18ч и 19-08ч
Започнете разговор

WhatsApp поддршка
WhatsApp WhatsApp

Скенирајте го кодот за најбрза поддршка користејќи ја апликацијата WhatsApp

Пон - Пет | 09-18 часот
Разговор на WhatsApp

Останато

Информации за други канали за поддршка.
Други канали
Види повеќе

Code to Open Chat Window