Користете го следењето на спиењето на Samsung Health на Samsung Galaxy Watch и Fit
Со апликацијата Samsung Health и плочката Спиење на Samsung Galaxy Watch или Fit, можете да го гледате времето на спиење, да го снимате ‘рчењето и да ги користите опциите за тренирање за спиење за да ви помогнат да спиете подобро.
Забелешка: прво проверете дали Galaxy Watch или Fit се поврзани со телефонот.
Поставете следење на спиењето
Чекор 1. Отворете ја апликацијата Samsung Health на Galaxy Watch или Fit > повлечете нагоре и допрете Поставувања.
Чекор 2. Повлечете нагоре и изберете Спиење.
Чекор 3. Допрете Откривање рчење.
Чекор 4. Samsung Health ќе се отвори на поврзаниот телефон > допрете го прекинувачот на врвот за да вклучите „Откривање рчење“.
Следете го спиењето
Навечер: ставете го Galaxy Watch или Fit на зглобот > поврзете го телефонот со полначот > ставете го телефонот блиску до главата.
* Мерењето и снимањето на ‘рчењето се вршат на телефонот.
* Најдоброто место за телефонот би било на стабилна површина, како ноќна масичка.
* Обидете се да го насочите дното од телефонот кон вас.
* Проверете дали сензорот на часовникот е чист и директно ја допира кожата.
Наутро: од почетниот екран на Galaxy Watch или Fit, повлечете налево до плочката Спиење > допрете ја плочката Спиење.
Можете да ги видите следните податоци:
Време на спиење: го прикажува времето на спиење во часови и минути.
Оценка за спиење: го оценува квалитетот на спиењето на скала од одлично, добро, прифатливо и потребно е внимание.
Фази на спиење: прикажува графикон и список на различни фази на спиење и колку време сте поминале во секоја фаза.
Кислород во крвта за време на спиењето: го покажува процентот на кислород во крвта.
Откривање рчење: го прикажува времето што сте го поминале во ‘рчење.
Температура на кожата при спиење: ја покажува температурата на кожата на телото од претходниот ноќен сон.
Конзистентност на спиењето: го прикажува бројот на денови во тековната недела кога сте ги постигнале целите за спиење.
Откријте го вашето животно за спиење: врз основа на резултатите од истражувањето и податоците за начинот на спиење, ќе ви биде доделен симбол на животно и програма за тренирање за спиење приспособена на вашите потреби за спиење.
* Можеби ќе треба да внесете податоци или цели за да се појават некои категории на податоци.
Можете да го следите ‘рчењето додека спиете со апликацијата Samsung Health. За да ја користите оваа функција, проверете дали Galaxy Watch или Fit е поврзан со телефонот преку апликацијата Galaxy Wearable.
Поставете „Откривање рчење“
Чекор 1. На поврзаниот телефон, отворете ја апликацијата Samsung Health > допрете ја картичката Спиење.
Чекор 2. Допрете Повеќе опции (три вертикални точки) > изберете Напредно мерење > допрете Откривање рчење.
Чекор 3. Допрете го прекинувачот на горниот дел од екранот за да вклучите Откривање рчење.
* Доделете ги потребните дозволи кога ќе биде побарано.
Чекор 4. Може да поставите кога да се открие 'рчењето, да снима кога ќе се открие 'рчење, колку долго да се чуваат снимките и многу повеќе.
* Кога одите во кревет, ставете го Galaxy Watch или Fit на зглобот > поврзете го телефонот со полначот > ставете го телефонот блиску до главата.
Забелешка: најдоброто место за телефонот би било на стабилна површина, како ноќна масичка. Исто така, обидете се да го насочите дното од телефонот кон вас.
Проверете ги податоците за 'рчењето наутро
Чекор 1. Отворете ја апликацијата Samsung Health на телефонот > допрете ја картичката Спиење.
Чекор 2. Допрете ја картичката Рчење > прегледајте ги податоците за 'рчењето од претходната ноќ.
Samsung Health ќе ги следи и ќе ги анализира начините на спиење со користење податоци снимени од Galaxy Watch или Fit и ќе создаде програма за тренирање од четири до пет седмици за вас.
* Ќе треба да го носите Galaxy Watch или Fit најмалку 7 ноќи пред да можете да ја користите функцијата „Тренирање за спиење“.
* Поставувањата за „Тренирање за спиење“ може да се приспособат само од вашиот телефон.
Поставете/престартувајте „Тренирање за спиење“
Чекор 1. Отворете ја Samsung Health на поврзаниот телефон > допрете ја картичката Тренирање за спиење > допрете Следно.
Чекор 2. Одговорете на прашањата од анкетата > допрете Готово.
* Овој чекор ќе се прескокне ако одговорите на анкетата пред да завршите 7 ноќи со следење на спиењето.
Чекор 3. Прегледајте го извештајот со податоците за спиењето > допрете Следно.
Чекор 4. Допрете Почни со тренирање.
* Ако се појави скок-прозорец, изберете Поставувања > допрете Дозволи известувања > допрете ја иконата Навигација нагоре.
Чекор 5. Допрете Следно > следете ги упатствата на екранот за да ја започнете програмата „Тренирање за спиење“.
Прекинете Тренирање за спиење
Чекор 1. Отворете ја апликацијата Samsung Health на телефонот > допрете ја картичката Спиење.
Чекор 2. Допрете Повеќе опции (трите вертикални точки) > Изберете Тренирање за спиење.
Чекор 3. Допрете Погледнете под „Следете ги Вашите навики за спиење“ > допрете Повеќе опции (трите вертикални точки) > Допрете Прест. со тренир.
Чекор 4. Допрете Прест. со тренир. на дијалог-рамката за потврда.
* Ако се откажете од „Тренирање за спиење“ и потоа започнете повторно, ќе започнете на првиот ден од тренингот.
Благодариме за повратните информации
Одговори на сите прашања.
Контакт информации
Live chat
![Messenger]()
![Messenger]()
Пон-петок | 09-18ч и 19-08ч
WhatsApp поддршка
![WhatsApp]()
![WhatsApp]()
Пон - Пет | 09-18 часот
Code to Open Chat Window