Зошто секое пенкало S Pen е уникатно?

Пенкалата S Pen за Note8 и Note9 беа од два одделни дела, додека тие за Note10/Note10+ се направени од еден цел дел, поради што се и поцврсти од претходните.

Уште од Note9, пенкалото S Pen е направено да работи со Bluetooth LE, што значи потрошувачка на помалку енергија, така што можете да уживате во опцијата за контрола од далечина, како и во другите кул карактеристики. Поради тоа што има Bluetooth, пенкалото S Pen треба да го полните одвреме-навреме.

Во случајот на Note10/Note10+, пенкалото S Pen се полни малку подолго од тоа за Note9, но затоа и поиздржливо е. Батеријата може да потрае до најмногу 30 минути ако го користите постојано, а потребно е помалку од 10 минути за целосно да се наполни, што воопшто не е многу.

Пенкалото S Pen за Note8 не мора да се полни со оглед дека нема опција за поврзување Bluetooth LE.

Карактеристиката за контрола од далечина ги воодушеви сите кога беше објавен моделот Note9. Со неа можете пенкалото S Pen да го користите за сликање, да контролирате презентации во PowerPoint, да ја разгледувате галеријата и повеќе од тоа. 

Пенкалото S Pen за Note10/Note10+ ја има оваа карактеристика, но има многу повеќе Air дејствија што може да се употребуваат! Пенкалото S Pen може да чувствува движења, поради што можете да извршувате одредени дејствија.
 
Сменете ја апликацијата, функциите или дејствијата што сакате да ги употребувате со пенкалото S Pen.

За да ја смените апликацијата што ќе се вклучува,

 
1. Отворете го панелот за известувања, лизгајте надолу, допрете и држете долго на текстот „S Pen air actions“

Или, отворете ја апликацијата Settings, допрете на Advanced features → S Pen → Air actions
 
2. Допрете на Hold down Pen button to, а потоа изберете апликација или функција. За да го смените дејството за секоја апликација поединечно, отворете го екранот со поставки за Air дејствија и изберете апликација во делот App actions. Дејствијата можете да ги менувате со допирање на работите под Pen button или Gestures

Има ли некој што не ужива во користењето на менито за Air команди за да пишува или црта? Тие се ударната карактеристика на серијата модели Note. И не заборавајте ја апликацијата PENUP, каде што ќе пронајдете дигитална цртанка. Можете да уживате во овие работи на Note8, Note9 и Note10/Note10+.

Но, со моделите Note10/Note10+ имате повеќе опции за уредување и креативност од кога било претходно. Можете попрецизно да уредувате со новиот уредник за видеа, да цртатите во самите видеа со снимачот за екранот и да бидете уметници со новата апликација Adobe Rush. Освен тоа, моделите Samsung Note имаат и нови карактеристики. Можете брзо да го претворите ракописниот текст во печатен и дури и да ги претворате вашите белешки во документи за програмата Microsoft Word!