Како да го користите интелигентниот режим на телевизорите Samsung QLED

Паметните телевизори стануваат сè попаметни. Intelligent Mode (Интелигентен режим) му овозможува на телевизорот да ја препознава својата положба во собата и да ги набљудува шемите на користење за да Ви овозможи совршено доживување во гледањето.

Интелигентниот режим го подобрува доживувањето при гледање со тоа што ги препознава содржините, шемите на користење и околината околу телевизорот. Благодарение на AI-технологијата, интелигентниот режим автоматски ќе ги нагоди поставките, било да уживате во акционен филм во сончево утро или хорор во темница. Во продолжение се наведени четири опции за интелигентниот режим.

• Adaptive Picture (Приспособлива слика): ја оптимизира светлината и дава најдобар квалитет на сликата во реално време врз основа на нивото на осветленост во собата и на содржината.
• Adaptive Voice Amplifier (Приспособлив засилувач на гласот): го анализира околниот шум и дава оптимален звук врз основа на шумот.
• Adaptive Sound+ (Приспособлив звук+): дава оптимизиран квалитет на звукот анализирајќи го просторот за гледање и акустичките компоненти на содржината.
• Adaptive Volume (Приспособлива гласност): ја анализира историјата на користење на гласноста во временски периоди со цел автоматски да ја нагоди гласноста кога користите апликација или префрлате на надворешен извор на звук.

Може да ја вклучите и исклучите секоја карактеристика на Intelligent Mode (Интелигентен режим). Следете ги чекорите подолу за да го поставите интелигентниот режим на телевизорот.

Чекор 1. Притиснете на копчето Home (Почеток) на далечинскиот управувач и изберете Settings (Поставки).

Чекор 2. Одете долу на General (Општо) и изберете Intelligent Mode Settings (Поставки за интелигентен режим).

Чекор 3. Изберете ги опциите што сакате да ги активирате.