ဖုန်းမော်ဒယ်နံပါတ် ၊ ထုတ်ကုန်နှင့် IMEI နံပါတ်ကိုဘယ်လိုရှာမလဲ။

ထုတ်ကုန်နံပါတ်ဆိုသည်မှာ (Samsung ကဲ့သို့)ထုတ်လုပ်သူမှ ဖုန်း၊ တက်ဘလက် ၊ တီဗီ နှင့်အစရှိသကဲ့သို့ပစ္စည်းများကို ခွဲခြားသတ်မှတ်ရန် ပေးထားသည့် မတူညီသည့်နံပါတ်ဖြစ်သည်။ ဥပမာဆိုရေသော်..သင့်ဖုန်းထုတ်ကုန်နံပါတ်သည် Samsung မှထုတ်ထားသည့် အခြားထုတ်ကုန်တိုင်းနှင့် ကွဲပြားနေပါလိမ့်မည်။ ထုတ်ကုန်နံပါတ်များသည် ထုတ်လုပ်သူအား ၄င်းတို့ထုတ်ကုန်ကို ခြေရာခံခြင်းနှင့် စီမံနိုင်မှုအတွက် ပိုမိုလွယ်ကူစေပါသည်။

တဖက်ကဆိုလျှင် IMEI သို့မဟုတ် MEID ဆိုသည်မှာ ဖုန်း သို့မဟုတ် အခြားဆက်သွယ်ရေးကိရိယာများအတွက်သာ အသုံးပြုပါသည်။ ဖုန်းကိုင်ဆောင်ထားသူအပေါ်မူတည်၍ သင့်ဖုန်းတွင် IMEI သို့မဟုတ် MEID နံပါတ်များပါ၀င်ပါလိမ့်မည်။ အဆိုပါနံပါတ် ၂ ခုသည် ထုတ်ကုန်နံပါတ်နှင့် မတူပါ။ ၄င်းတို့ကို ထုတ်လုပ်သူတင်မကဘဲ နိုင်ငံတကာ သို့မဟုတ်ကမ္ဘာအဝှမ်းအသွုးပြုကြပါသည် ၄င်း နံပါတ်အမျိုးအစား ၂ ခုစလုံးသည် ခိုးခံရသည့် သို့မဟုတ်ပျောက်ဆုံးသွားသည့်ဖုန်းကို ခြေရာခံရန် ကွန်ယက်ထောက်ပံ့သူတို့ကို ကူညီနိုင်ပါသည်။

မော်ဒယ်နံပါတ်ဆိုသည်မှာ ထုတ်ကုန်အလိုက်(Galaxy Note20, Galaxy Z Fold2 စသဖြင့်) ထည့်ပေးထားသည့် နံပါတ်ဖြစ်သည်။ နံပါတ်များသည် ထုတ်ကုန်ထုတ်သည့်ခုနှစ် ၊ အရောင် ၊ ကွန်ယက် နှင့်အခြားအချက်များပေါ်မူတည်၍ ကွဲပြားနိုင်ပါသည်။ အဆိုပါ အမျိုးအစား(အရောင်တူ စသဖြင့်)တွင်ပါ၀င်သည့် မော်ဒယ်တိုင်းတွင် တူညီသည့် မော်ဒယ်နံပါတ်ရှိနေပါမည်။