Kant-SU2 နှင့် Kant-S2 တီဗွီမော်ဒယ်များတွင် အပ်ဒိတ်လုပ်ရာ၌ ယူအက်စ်ဘီချို့ယွင်းချက် အသိ​ပေးချက်များအတွက် ​ဖြေရှင်းနည်းလမ်းများ

၂၀၂၀ တီဗွီမော်ဒယ်များ (Kant-SU2 နှင့် Kant S2) တို့ကို ယူအက်စ်ဘီ မန်မိုရီစတစ်တစ်ချောင်းဖြင့် အပ်ဒိတ်လုပ်ရာတွင် စခရင်ပေါ်၌ ချို့ယွင်းချက်အသိ​ပေးချက်တစ်ခုကို သင်တွေ့ရှိနိုင်ပါသည်။ အောက်ပါ Samsung တီဗွီဖန်းမ်ဝဲ အဆင့်မြှင့်ခြင်းလမ်းညွှန်အတိုင်း လိုက်လုပ်ခြင်းဖြင့် ကြုံ​တွေ့​နေရ​သော ပြဿနာကို သင်ဖြေရှင်းနိုင်ပါသည်။

Kant-SU2 သို့မဟုတ် Kant-S2 မော်ဒယ်များအတွက် ဖန်းမ်ဝဲအပ်ဒိတ်လုပ်စဉ်အတွင်း သင့်တီဗွီသည် ပုံမှန်လုပ်ဆောင်ခြင်းမရှိဘဲ အောက်ပါပုံကို ပြသပါက ပြဿနာဖြစ်ရသည့် အကြောင်းရင်းကို သင်သိရှိရန် လိုအပ်ပါသည်။

ယင်းသည် ဆော့ဖ်ဝဲပြဿနာတစ်ခုဖြစ်ပြီး ပိတ်၍ပြန်ဖွင့်ခြင်းကို နှစ်ကြိမ်ပြုလုပ်ပြီးနောက်တွင် နောက်ဆုံးထွက်ဗားရှင်းသို့ အပ်ဒိတ်လုပ်ခြင်း ပြီးစီးပါသည်။ ဒုတိယအကြိမ် ပိတ်၍ပြန်ဖွင့်ခြင်း မပြီးစီးမီတွင် ယူအက်စ်ဘီစတစ်ကို ဖယ်လိုက်ပါက သို့မဟုတ် ပါဝါကိုပိတ်လိုက်ပါက စခရင်ပေါ်တွင် ယူအက်စ်ဘီချို့ယွင်းချက် အိုင်ကွန်တစ်ခု ပေါ်လာမည်ဖြစ်ပါသည်။

• ယူအက်စ်ဘီ မန်မိုရီဒရိုက်ဗ်ကို မဖြုတ်ပါနှင့်။
  
• ပါဝါကြိုးကို မဖြုတ်ပါနှင့်။
  
• တီဗွီကို မပိတ်လိုက်ပါနှင့်။

ယူအက်စ်ဘီကို ဖြုတ်လိုက်ပြီးနောက် ချို့ယွင်းချက်အိုင်ကွန် ပေါ်လာပါက ဖန်းမ်ဝဲဖိုင်၏ နောက်ဆုံးထွက်ဗားရှင်းရှိသော ယူအက်စ်ဘီစတစ်ကို ပြန်တပ်ပေးခြင်းဖြင့် ချို့ယွင်းချက်ကို ဖြေရှင်းနိုင်ပါသည်။ ထို့နောက် အပ်ဒိတ်လုပ်ခြင်း ပြီးစီးကာ ချို့ယွင်းချက်ကို အလိုအလျောက် ဖြေရှင်းပေးမည် ဖြစ်ပါသည်။