Баталгаат хугацааны мэдээлэл

Цахилгаан барааны баталгааны хуудаc BWC2405 (PDF, 1.4 MB)

“Samsung Electronics Co., Ltd” («Самсунг Электроникс Ко., Лтд.») нь Samsung Electronics группийн толгой компани (цаашид үйлдвэрлэгч гэх) нь Samsung нэрийн бараа бүтээгдэхүүнийг (цаашид бүтээгдэхүүн гэх) үйлдвэрлэдэг ба БНСУ, Сувон хот, Енгтонг-гу, Самсунг-ро, 129 хаягаар Сувон хотын зүүн бүсийн дүүрэгт 1969 оны 1 сарын 13-ний өдөр бүртгэгдсэн бөгөөд Самсунг брэндийн бүтээгдэхүүнийг сонгосонд Тань гүн талархал илэрхийлж байна. Бид бүхэн энэхүү бүтээгдэхүүн таны хэрэгцээг бүрэн хангаж, чанар нь дэлхийн жишигт хүрч байх бүхий л зүйлийг хийсэн болно.

«Самсунг Электроникс Ко., Лтд.» нь бараа бүтээгдэхүүнийг хэрэглэгчийн гарын авлагад заасны дагуу ашигласан тохиолдолд дараах ажиллах хугацааг тогтоож өгдөг: гэр ахуйн цахилгаан бараа – 7 жил, зурагт, хавтгай дэлгэц, агаар шүүгч, аудио, видеотехник – 5 жил, гар утаснууд, таблетууд, модем болон проектор – 3 жил. Бүтээгдэхүүний ашиглах хугацаа нь хэрэглэгчийн гарын авлагад өөрөөр тэмдэглэж заагаагүй бол үйлдвэрлэсэн өдрөөс эхлэн тооцно.

Тухайн барааны ашиглалтын хугацаа дууссан тохиолдолд цаашдын аюулгүй ашиглалт болон устгалын талаарх зөвлөгөөг Албан ёсны баталгаат засварын төвд хандаж авахыг Үйлдвэрлэгч зөвлөж байна.

«Самсунг Электроникс Ко., Лтд.»-ийн Монголд нийлүүлж байгаа бүх бараа бүтээгдэхүүнийг тухайн орны нөхцөлд ашиглахад тааруулан үйлдвэрлэдэг бөгөөд тухайн бараа бүтээгдэхүүн болон түүний сав баглаа боодол дээрх албан ёсны тэмдэгтүүдийг шалгаж авч байхыг сануулж байна.

Үл ойлгогдох байдал үүсэхээс сэргийлж Хэрэглэгчийн гарын авлага, баталгааны нөхцөлийг уншиж танилцан баталгааны хуудсыг зөв бөглөсөн эсэхийг шалгаж байхыг сануулж байна. Бүтээгдэхүүнийг худалдах, худалдан авах үйл ажиллагаа тухайн улсын хуулийн дагуу явагдах ёстой. Баталгааны хуудас нь тухайн бараа бүтээгдэхүүний загвар, серийн дугаар, зарсан огноо, худалдсан компанийн тамга болон худалдан авагчийн гарын үсэг зэргийг бүрэн агуулсан тохиолдолд хүчинтэйд тооцогдоно. Бараа бүтээгдэхүүний загвар болон серийн дугаар нь баталгааны хуудас дээр тэмдэглэсэнтэй адил байх ёстой.

Дээр дурдсан нөхцөлийг зөрчсөн мөн баталгааны хуудас дээрх бичвэрийг өөрчилсөн, арилгасан эсвэл дахин бичсэн тохиолдолд тухайн баталгааны хуудсыг хүчингүйд тооцохыг анхаарна уу.

Ийм тохиолдолд баталгаат засварын үйлчилгээ авахын тулд худалдан авалтын баримт эсвэл кассын баримтыг өгөх шаардлагатай. Худалдан авсан огноог тодорхойлох боломжгүй үед «Хэрэглэгчийн эрхийг хамгаалах хууль»-ийн дагуу баталгаат хугацааг үйлдвэрлэсэн огнооноос тооцох болно.

Энэхүү баталгааны хуудсаар «Самсунг Электроникc Ко., Лтд.» нь үйлдвэрлэгчийн буруугаас үүдсэн гэмтэл согог бий болсон тохиолдолд хэрэглэгчийн эрх ашгийг хамгаалах хүчин төгөлдөр хуулийн дагуу хэрэглэгчийн шаардлагыг биелүүлэх бүх хариуцлагыг хүлээхийг баталж байна. «Самсунг Электроникc Ко., Лтд.» нь доор дурдсан нөхцөлийг зөрчсөн тохиолдолд хэрэглэгчийн шаардлагыг биелүүлэх болон үнэ төлбөргүй засвар үйлчилгээ үзүүлэхээс татгалзах бүрэн эрхийг хадгалж үлдэнэ. Үйлдвэрлэгчийн баталгааны үүрэг болон үнэ төлбөргүй засвар үйлчилгээ нь тухайн бараа бүтээгдэхүүнийг импортолж байгаа улс орны хууль тогтоомжоор зохицуулагдана.

Samsung Electronics нь бүтээгдэхүүндээ үнэгүй баталгаат засварын хугацаа олгодог. Энэхүү баталгаат засварын хугацаа нь анхны худалдан авагч тухайн бүтээгдэхүүнийг худалдан авсан өдрөөс эхлэн тоолж, 2-3 дугаар нүүрэнд заасан баталгаат хугацааны хамгийн эцсийн өдрөөр дуусгавар болно. Гэхдээ энэхүү баталгаа нь зөвхөн тухайн бүтээгдэхүүнийг горимын дагуу ашигласан тохиолдолд хүчинтэй болохыг анхаарна уу. Мөн баталгаат засварын хугацаа нь бүтээгдэхүүний ашиглалтын наснаас үл хэтэрнэ.

• БАТАЛГААНЫ ҮҮРЭГ БОЛОН ҮНЭ ТӨЛБӨРГҮЙ ЗАСВАР ҮЙЛЧИЛГЭЭНИЙ НӨХЦӨЛ

1. Үйлдвэрлэгчийн баталгааны үүрэг болон үнэ төлбөргүй засвар үйлчилгээ нь зөвхөн ≪Самсунг Электроникс Ко., Лтд.≫-ийн үйлдвэрлэсэн, Монгол улсын нутаг дэвсгэр дээр борлуулагдсан, худалдан авсан болон Монгол улсын стандартын шаардлага хангасан бараа бүтээгдэхүүн тэдгээрийн загварт хамаарна.

2. Үнэ төлбөргүй засвар үйлчилгээ гэдэг нь бараа бүтээгдэхүүний үйлдвэрлэгчийн буруугаас үүдсэн гэмтэл (согог)-ийг худалдан авагчаас (хэрэглэгчээс) төлбөр авалгүйгээр арилгах нэмэлт үүрэг юм.

3. Баталгаат хугацаанд эсвэл үнэ төлбөргүй засвар үйлчилгээний хугацаанд тухайн бүтээгдэхүүний эвдрэлтэй хэсгийг (эд анги, холбоос, угсралтын нэгж зэрэг) сольсон тохиолдолд тухайн бүтээгдэхүүнд бүхлээр нь эсвэл сольсон эд ангид дахин шинээр баталгаат хугацаа эсвэл үнэ төлбөргүй засвар үйлчилгээний хугацаа тогтоогдохгүй болно. Үйлдвэрлэгч нь хэрэглэгчийн бүтээгдэхүүнд ашигладаг программ хангамжийн (ПХ) хэрэгцээг үргэлж бодолцдог ба хэрэглэгч албан ёсны сувгаар дамжуулан өөрөө программ/хавсралтын тусламжтайгаар  зарим нэг  бүтээгдэхүүний ПХ-ийг шинэчлэх бололцоог олгодог. Түүнчлэн хэрвээ хэрэглэгч өөрөө зөвшөөрвөл автомат горимоор ПХ шинэчлэгдэнэ. Үйлдвэрлэгч нь бүтээгдэхүүн худалдан авах үед суулгасан ПХ, мөн бүтээгдэхүүнийг ашиглах хугацаанд үйлдвэрлэгчийн оролцоогүйгээр өөрчилсөн ПХ-ийн тухайд хариуцлага хүлээхгүй. Үйлдвэрлэгч нь бүтээгдэхүүнд тохирсон албан ёсны ПХ ашиглахыг санал болгож байна.

4. Бүтээгдэхүүний бүрэлдэхүүнд ордог хэрэгслүүдийн баталгаат хугацаа гол бүтээгдэхүүний баталгаат хугацаатай адилхан боловч доор дурдсан хэрэгслүүд баталгааны нөхцөлд хамрагдахгүй:

а) Бүтээгдэхүүний батарей, проекторын гэрэл, гэрэлтүүлэх гэрэл, эдгээрийн гэрэлтүүлэх гэрлийг солих арга дараалал нь хэрэглэгчийн зааварт тусгагдсан байгаа;

б) холбогч кабель (хэрэв энэ нь цэнэглэх төхөөрөмжийн бүрэлдэхүүнд ордоггүй бол), чихэвч, төрөл бүрийн мэдээлэл тээгч (программ хангамж болон драйвэртай диск, санах ойн карт);

в) Сав, цүнх, зөөврийн утас (уяа), монтажийн хэрэгслүүд, бүтээгдэхүүнд дагалдах багаж болон бичиг баримт;

г) Төрөл бүрийн санах ойн төхөөрөмжид дагалдах программ хангамж болон драйвер ( үүнд мөн бүтээгдэхүүний хатуу диск дээрх программ хангамж зэрэг багтана) мөн үйлдвэрлэгчийн буруугаас үүдсэн гэмтэл согогоос болсон эвдрэлээс бусад тохиолдолд эдгээр программ хангамж болон драйверыг дахин суулгах, тохиргоо хийх зэрэг.

Нэмэлтээр:

а) хөргөгчид: үнэр сорогч, агаар цэвэршүүлэгч (биодезодоратор), фильтр, тавиур, хайрцгууд, хоол хүнс хадгалах зориулалттай тавиур, хайрцаг, шургуулга, сав;

б) шарах шүүгээ болон богино долгионы зуух: сараалжин тавиур, шор, шарах тавиур, вааран сав, жигнүүр, усны сав; газан плитканы гадаргуу; ширмэн тавцан; сав суулганы тавиур;

г) угаалгын машин болон аяга таваг угаагчид: усны шланг;

д) кондиционер болон агаар сорогчид: фильтр.

5. Дараах нөхцөлд үйлдвэрлэгч баталгаа гаргаж үнэ төлбөргүй засвар үйлчилгээ үзүүлэхгүй:

а) хувийн (ахуйн болон гэр бүлийн) хэрэгцээнд зориулсан бүтээгдэхүүнийг албан байгууллагын хэрэгцээнд болон зориулалтын дагуу бус хэрэглэсэн тохиолдолд;

б) бүтээгдэхүүнд дагалддаг хэрэглэгчийн гарын авлага болон бусад баримт бичигт заасан ашиглах, суурилуулах нөхцөлийг зөрчсөн тохиолдолд;

в) xэрвээ бүтээгдэхүүнд үйлдвэрлэгчийн зөвшөөрөгдөөгүй этгээд, албан байгууллага, сэлбэг ашиглана засвар хийсэн тохиолдолд;

г) эвдрэл нь бүтээгдэхүүний бүтэц, схем зэргийг өөрчилсөн, үйлдвэрлэгчийн зүгээс урьдчилан тооцоогүй гаднын хэрэгсэл холбосон тохиолдолд;

д) эвдрэл нь давагдашгүй хүчин зүйл, золгүй явдал, хэрэглэгчийн ба гуравдагч этгээдийн санамсаргүй болон санаатайгаар хийсэн үйлдлийн үр дүнд бий болсон тохиолдолд;

е) эвдрэл нь чийг, өндөр болон нам температурын нөлөөлөл, зэврэх, исэлдэх, дотор нь гадны биет, шингэн, бодис, шавьж, амьтан орсноос болж үүссэн тохиолдолд;

ж) аудио болон видео толгой, мэдээлэл хадгалагч төхөөрөмжийн залгуур хэсгийг цэвэрлэх;

з) эвдрэл нь компьютерийн вирус, түүнтэй адилтгах программаас үүдсэн, нууц үг бий болгох, солих, программ хангамжийн тохиргоог өөрчлөх, дахин суулгах, өөр программ хангамж суулгах, хатуу дискийг форматлах зэрэг үйлдлээс үүдсэн тохиолдолд;

и) эвдрэл нь бүтээгдэхүүний ашиглалтын хугацаа (ердийн элэгдэл) дууссанаас үүдсэн тохиолдолд. Ердийн элэгдэл гэдэг нь удаан хугацааны ашиглалтын явцад гаднах байдал болон техникийн үзүүлэлтүүд нь муудахыг хэлнэ;

к) харилцаа холбооны сүлжээний багтаамж болон радиосигналын хүчин чадал муу, орон нутгийн болон хотын орчны рельефийн онцлог, утсыг хил дээр мөн сүлжээгүй газар ашигласнаас үүдсэн гэмтэл, бүтээгдэхүүнд таарч тохирохгүй эсвэл гэмтэлтэй төхөөрөмж гаднаас холбосон тохиолдолд;

л) стандарт бус болон чанарын шаардлага хангаагүй картриж, хэрэгсэл, запас эд анги, тэжээлийн элемент, мэдээлэл хадгалагч төхөөрөмж (аудио –видео кассет, CD, DVD диск, санах ойн карт, SIM карт зэргийг оролцуулан) ашигласнаас үүдсэн гэмтэл;

м) тохирохгүй контент (ая, график, видео болон бусал файл, Java болон түүнтэй адилтгах программ) хүлээж авах, татаж авч суулгаснаас үүдсэн гэмтэл;

н) хэрвээ барааны шошго дээрхи мэдээллийг зассан, арилгасан болон барааны шошго огт байхгүй тохиолдол;

о) Мэргэжлийн дэлгэцтэй (LFD) зөвшөөрөгдөөгүй хамгаалалтын хайрцаг ашигласан тохиолдолд;

п) бүтээгдэхүүнтэй холбоотой ашиглалтын заавар эсвэл гарын авлагын зааварчилгааг дагаж мөрдөөгүйгээс үүсэх аливаа гэмтэл.

6. Энэхүү бүтээгдэхүүнийг (ТВ; Монитор) арилжааны болон бизнесийн орчинд ашиглахыг хориглодог бөгөөд дараахь хязгаарлалтыг багтаасан болно: ашиг, санхүүгийн ашиг олох зорилгоор ашиглах, клуб, баар, ресторанд олон нийтэд үзүүлэх, эсвэл тасралтгүй эсвэл санаатайгаар арилжааны зорилгоор ашиглах. урт хугацааны дэлгэцийн мэдээний мессеж, хуваарь гэх мэт статик эсвэл тогтмол зураг, 4:3 хэмжээтэй зураг эсвэл байнгын хар зураастай видео контент.

7. Бүтээгдэхүүний тохиргоо, суурилуулалтыг (угсрах, залгах г.м.) дагалдах бичиг баримтын дагуу хэрэглэгч өөрөө болон төлбөртэй нөхцөлтэйгөөр албан ёсны эрхтэй засварын төвийн мэргэжилтнүүд мөн худалдаалж байгаа байгууллага хийж гүйцэтгэх боломжтой. Энэ тохиолдолд тухайн үйлчилгээ үзүүлсэн байгууллага, хувь хүн угсралт, суурилуулалт болон тохиргооны чанар, зөв хийгдсэн эсэх дээр үүрэг хүлээнэ.

Бүтээгдэхүүний найдвартай ажиллагаа болон баталгаа, үнэ төлбөргүй засвар үйлчилгээний нөхцөл зэргийг зөв угсралт, суурилуулалт нь хангах тул энэ тал дээр онцгой анхаарна уу.

8. Гар утас болон бусад тоон төхөөрөмж дээрх мэдээллийг гадны санах ойн төхөөрөмжид давхар хадгалж байхыг танд зөвлөж байна.

9. «Самсунг Электроникс Ко., Лтд.» нь Самсунг брэндийн бүтээгдэхүүний ашиглалт болон угсралт суурилуулалтын горимыг алдагдуулсан, мөн хэрэглэгч эсвэл гуравдагч этгээдийн санамсаргүй болон санаатайгаар хийсэн үйлдлээс үүдсэн хүн, гэрийн тэжээмэл амьтан болон эд зүйлсэд шууд болон шууд бус хохиролд хариуцлага хүлээхгүй болно. Мөн «Самсунг Электроникс Ко., Лтд.» нь Самсунг брэндийн бүтээгдэхүүнээс мэдээлэл алдагдсан, өөрчлөгдсөн болон ашиглах боломжгүй болсноос үүдэх шууд болон шууд бус хохиролд хариуцлага хүлээхгүй болно.

• ҮЙЛДВЭРЛЭГЧИЙН НЭМЭЛТ ҮҮРЭГ

Үйлдвэрлэгчээс (үйлдвэрлэгчийн буруугаас үүссэн гэмтэлд сэлбэг, эд анги үнэгүй нийлүүлнэ) зарим нэг тодорхой сэлбэг, эд ангиас хамааран нэмэлт хариуцлагыг хүлээнэ. Албан ёсны засварын төвөөр үйлчлүүлсэн тохиолдолд сэлбэг, эд анги үнэгүй нийлүүлнэ.

• ХОЛБОО БАРИХ МЭДЭЭ

Samsung-ийн бүтээгдэхүүн худалдан авсанд баярлалаа.

Хэрэв танд асуулт байгаа эсвэл тусламж хэрэгтэй бол худалдагч эсвэл Samsung хэрэглэгчийн нэгдсэн дэмжлэгтэй холбогдох эрхтэй:

Интернет дээр:

компанийн 117.p.syniva.es/mn/support вэбсайтын "Дэмжлэг" хэсэгт дараахь зүйлийг авах боломжтой: лавлах материал, програм хангамж, ашиглах зөвлөмж, видео заавар, онлайн зөвлөгөө, санал хүсэлтийн маягт;

• ҮЙЛДВЭРЛЭГДСЭН ОГНООНЫ ТОДОРХОЙЛОЛТ

Огноо нь бүтээгдэхүүний серийн дугаарт кодлогдсон, жишээлбэл: 1XW234567S

Сүүлийн тэмдэгт (S) нь хяналтын үсэг (заримдаа байхгүй байж болно);

Сүүлийн таван орон (34567) нь бодит серийн дугаар юм;

Төгсгөлийн зургаа дахь тэмдэгт (2) нь үйлдвэрлэсэн сар;

Төгсгөлийн долоо дахь тэмдэгт (W) нь үйлдвэрлэсэн он;

Цаашид 3-7 тэмдэгт байж магадгүй.

САРЫН КОДЛОГО: тоон дарааллаар 1 ... 9 (1-р... 9-р сар), А - 10-р сар, Б - 11-р сар, В - 12-р сар.

ЖИЛИЙН КОДОЛТ: Y-2005, L-2006, P-2007, Q-2008, S-2009, Z-2010, B-2011, C-2012, D-2013, F-2014, G-2015, H-2016 , J-2017, K-2018, M-2019, N-2020, R-2021, T-2022, W-2023, X-2024, Y-2025