Дууны хөтөч нь дэлгэц дээр гарч буй зүйлийг аудио тайлбараар хангахын тулд Smart ТВ-г идэвхжүүлнэ. Энэ нь хараагүй болон харааны бэрхшээлтэй хэрэглэгчдэд ТВ -ийн үндсэн функцүүд болон интернэт, voice feedback хайлт гэх зэрэг олон төрлийн ухаалаг үйлчилгээг ашиглахад нь тусалдаг. Дууны хөтчийн тусламжтайгаар та одоогийн суваг, дууны түвшин, одоогийн болон цаашдын нэвтрүүлэг, ТВ хуваарийн талаарх мэдээллийг сонсох боломжтой.

Аудио тайлбар нь хараагүй болон харааны бэрхшээлтэй хүмүүст зориулан ТВ сувгуудаас хангадаг үйлчилгээ юм. Ойлгомжтой болгох үүднээс нэвтрүүлгийг үгээр тайлбарладаг нэмэлт аудио хөтөлбөр. Үйл явдлын өрнөлийн өөрчлөлт, дүрийн илэрхийлэл, дохио зангаа, хувцас хэрэглэл болон бусад зүйлсийн талаар илүү тодорхой мэдээлэл аваарай.

Хэрэв та харааны бэрхшээлийн улмаас дэлгэцийг сайн харж чадахгүй бол зураг эсвэл текстийг илүү томоор харахын тулд дэлгэцийг томруулж болно. Та дэлгэцийг 200% хүртэл томруулах юм уу эсвэл томруулж буй хэсгийн байрлалыг тохируулж болно.

Бараан дэвсгэр дээрх цайвар өнгийн текст нь өнгө таньдаггүй эсвэл хараа муутай хүмүүст дэлгэц дээрх текстийг илүү тод харахад нь тусалдаг. Харагдцыг сайжруулж, нүд ядралтыг багасгахын тулд үндсэн дэлгэцийн дэвсгэр өнгийг хар, текстийн өнгийг цагаан эсвэл шар болгон өөрчлөх боломжтой. Түүнчлэн ТВ-ийн цэсийн дэлгэц нь текстийг илүү гаргацтай болгохын тулд автоматаар гэрэл нэвтэрдэггүй болж өөрчлөгдөнө.

Томруулалтын цэс болон текст нь хараа муутай хүмүүст тохируулан цэс болон текстийг томруулдаг. Сувгийн мэдээлэл, Smart hub, Тохиргоо, попап цонх гэх зэрэг үйлчилгээний дэлгэцүүдийг том текстээр дэлгэрэнгүй харж болно.

Хэрэв та өнгө танихдаа муу эсвэл нүд тань их ядардаг бол саарал өнгөний тохиргоо ашиглан дэлгэцийн өнгийг хар цагаан болгон өөрчилж болно. Өнгөний улмаас үүссэн бүдэг хүрээг улам тодруулах, нүд ядрахаас сэргийлэхийн тулд хар, цагаан горимыг ашиглаж болно.

Хэрэв та гэрэлд мэдрэг эсвэл хараа муутай бол арын дэвсгэр өнгийг хар , текстийн өнгийг цагаан болгож болно. Өнгөний хувиргалт нь харааны таних чадварыг нэмэгдүүлж, хурц гэрлийг багасган, нүд ядрахаас сэргийлнэ.

Бүх Samsung QLED ТВ дээр байдаг SeeColors горим нь өнгө ялгах бэрхшээлтэй хүмүүст дэлгэцийн өнгийг нүдэндээ тааруулан тохируулахад нь тусалдаг. Та өнгө ялгах чадваргүй байдлын зэргээ шинжилгээ дээр үндэслэн тогтоож, нүд тань таньж чадах өнгөний спектр руу дэлгэцийн өнгийг тохируулж болно.

Learn remote control нь хараагүй эсвэл харааны бэрхшээлтэй хэрэглэгчдэд удирдлагын товчлуурын байршил болон ажиллагааг хурдан сурахад нь тусалдаг. Удирдлагын товчлуур дээр дарахад ТВ нь уг товчлуур ямар үүрэгтэй болохыг танд тайлбарлана.

Learn menu screen нь хараагүй болон харааны бэрхшээлтэй хэрэглэгчдэд ТВ-ийн олон төрлийн функцүүдтэй танилцахад тусалдаг. Энэ нь алсын удирдлага, хүртээмжийн цэс, ТВ дуут хөтөч, өргөн нэвтрүүлгийн хөтөч, ТВ хуваарь болон бусад зүйлсийн талаарх цахим гарын авлагын аудио тайлбараар хангана.

Энэхүү дууны функц нь AI ашиглан видео тайлбарыг таньж, чанга уншдаг.

Уг функцийг ашиглах үед ТВ-ийн дэлгэц унтрах хэдий ч аудиог сонсох боломжтой хэвээр байна. Дэлгэцийг дахин идэвхжүүлэхийн тулд удирдлага дээрх дурын товчлуур (Асаах/унтраах болон дууны түвшний товчлуураас бусад) дээр дарна

Relumino горим нь объектуудыг тоймлон, контрастыг нэмэгдүүлж, гэрэлтүүлэг болон өнгийг тохируулснаар шоу, кино, баримтат киног үзэхэд хялбар болгоно.

Тайлбарыг ТВ-ийн олон нэвтрүүлэгт оруулсан байдаг. Сонсголгүй болон сонсголын бэрхшээлтэй хэрэглэгчид зориулан харилцан яриаг дэлгэцийн текст хэлбэрээр харуулна. Хэрэв тайлбар нь дэлгэцийг хаах эсвэл үзэхэд төвөгтэй байвал тэдгээрийг илүү тохиромжтой байрлал руу шилжүүлж болно. Түүнчлэн үзэх байдлыг сайжруулахын өөрийн тав тухтай байдалд нийцүүлэн үсгийн хэмжээ, өнгө, дэвсгэр өнгө, хар цагааныг тохируулах боломжтой.

Sign language zoom нь дохионы хэлний хэсгийг автоматаар таньж, томруулах ба сонсголгүй хэрэглэгчдэд ам болон нүүрний хувирлыг илүү нарийвчилсан байдлаар харуулахад тусална. Дохионы хэлний хэсгийг тодорхой зааж өгснөөр 200% хүртэл томруулах боломжтой. Мөн хараагүй хэрэглэгчид нь спортын арга хэмжээ болон асуулт хариултын нэвтрүүлгийн оноо гэх зэрэг тодорхой хэсгийг томруулан харахад энэ функцийг ашиглаж болно.

Multi-output audio нь сонсголын бэрхшээлтэй хэрэглэгчдийг гэр бүлээрээ ТВ үзэхэд нь тусалдаг. Дуу нь чанга яригч болон чихэвч рүү хоёул руу нь нэгэн зэрэг гаргах ба гэр бүлийн гишүүн бүр өөрийн дууны түвшинд нэвтрүүлгийг үзэх боломжтой. Сонсголын бэрхшээлтэй хэрэглэгч нь Bluetooth төхөөрөмж ашиглан сонсох бол гэр бүлийн гишүүд нь ТВ-ийн чанга яригчаар сонсох боломжтой.

Дохионы хэлээр ТВ цэсийн функцүүдийн тайлбарыг харуулахын тулд ТВ дэлгэцийн доод хэсэгт аватар гарч ирнэ.

Хэрэв удирдлагын товчлууруудын ажиллах хурд нь танд тохиромжгүй байвал Remote Button Repeat Settings ашиглан удаашруулж болно. Суваг солих, дууны түвшин тохируулах, жагсаалтыг зөөх гэх зэргийг илүү тохиромжтой болгохын тулд удирдлагын тасралтгүй ажиллах хурдыг тохируулж болно